我當場有生理反應 : 作嘔.
蘇德華 雖然未至於肥, 但人到中年, 唔做運動又冇 keep, 喺熱辣辣環境下出晒汗, 件 wet tee 貼晒身, 搞到佢對 B cup 胸同豬腩肉現晒形, 遠睇, 仲透點添 ! Yuk ~~~~~ !
以為有備而戰, 帶咗冰感毛巾, 風扇仔同香薰精油入地盤 (因有人預先警告我嗰度有好多佬, 好臭), 點知棋差一着, 比條 蘇德華 KO 咗.
睇完 site, 開車去食飯途中, 蘇德華 露出腳膝頭, 白雪雪光蛻蛻, 加埋佢滴緊汗嘅上半身, 唔知點解, 我感到有種前所未有嘅嘔心感覺, 好難受.
最攞膽係尋朝, 叫新請嘅 "小鮮肉" check out 後喺酒店大堂集合, 一齊打的去機場.
佢嘅現身, 嚇 Q 我一跳, 當刻, 真係想打爆佢!
唔係嘛...... 又係短褲 ! 做乜啲男人會有咁多短褲㗎 ? 話晒都係 business trip, 會唔會 casual 咗啲呀?
最驚嚇係 "小鮮肉" 後生, 皮膚白裡透紅, 平時冇室外運動又唔去 gym 操肌, 所以副偈勁嫩, 但原來佢啲腳毛頗有睇頭, 坐的士望到佢條腿, 成隻女人腳生晒毛咁, OMG, 又再想嘔.
原先見我哋第一次一齊出 trip, 諗住用 mileage 請埋佢入 lounge, 哎也佢咁樣, sorry...... 唔得啦.
