大陸人飲酒作風豪邁, 好在飯局酒水方面比較收斂, 只有香檳同陳年威士忌供應, 全晚就算不停地車輪 ' 隊 ', 都冇出大事. 最後 5 男 4 女當中只得兩位男士飲到趴喺度, 好彩走嗰陣仲識醒, 自己行得郁唔駛人抬 😂😂😂
2024年6月10日星期一
點解而家啲人唔出街食飯
2024年6月3日星期一
激戰意國中菜
今趟意國之旅, 因為同行朋友唔係咁習慣食西餐同長途旅行, 所以好例外地安排食吓唐餐, 慰藉佢哋思鄉之苦.
 |
| 非當年真實拍攝圖片 |
回想起 N 年前喺羅馬, 當地朋友對中國文化極之好奇, 見我係中國人就當我公仔咁玩 😆 基本上見面除咗飲酒, 耐唔耐就捉我去一齊食中餐睇我表演揸筷子. 當年嘅我, 做咗廿幾年人先第一次見識中菜原來係有沙律嘅 : 牙菜撈橄欖油 + 黑醋 ( 注意 : 牙菜係生食, 冇煮過架 😂😂😂 ).
 |
| 非當年真實拍攝圖片 |
食物如何呢 ? 除咗碟炒菜正路啲, 全部賣相都有啲似曾相識但又有少少變種, 味道其實還可以的.
不如試吓看圖估吓我哋食咗乜 ? [ 下面開估 😜 ]
左上 : 肉碎蒸水蛋 ( 原本應為蜆肉蒸水蛋, 不過蜆肉賣晒 )
左中 : 水煮牛娃 ( 唔好意思, 或者啲牛蛙太瘦, 睇落酷似簷蛇斷肢 😨 我發誓唔會再喺意大利食蛙類食品 )
左下 : 燒賣 ( 大種 ? )
右上 : 蒜蓉蒸蝦 ( 調味非常重手衾晒蝦嘅鮮味 )
右中 : 炒菜芯 ( 正常 )
右下 : 排骨粟米湯 ( 我冇飲 )
*個人評分 : 食物 50 分 + 服務 8 分 = 58 分
2024年6月1日星期六
羅馬巧驚驚
無驚無險, 五月又走咗轉意大利, 托賴今次冇乜特大驚險, 除咗香港起飛嗰晚因為睇錯時間差啲 miss 咗班機 --> 00:50am 起飛我懵盛盛 00:28am 仲喺 lounge hea 緊... 猛然驚醒 😱😱😱 由 63 號閘喪跑 1.1km 去 15 號閘 ( 見下圖 : 紅色奔跑路線 ).
努力飛奔途中仲要接電話, 因為空服狂 call 打鑼摷我, 好彩最後 00:38am 跑到登機位置 😅, 魚翅航空都算係咁, 如果比着外國啲航空公司, 一早就已經 offload 行李踢我落機 !
成世人除咗中小學 PE 堂都冇乜再跑, 赤鱲角呢一跑殺死我唔少細胞, 上到機坐低個心都仲係咁跳, 要跳到派餐先慢到落嚟.
1 ) 羅馬鬥獸場 Colosseum
廿幾年前入過一次之後完全冇打算再入, 因為感覺不佳, 鬥獸呢個 idea 太殘暴, 古時羅馬人仲竟然可以將殺戮當為娛樂, 認真變態 ! 同埋裡面死過咁多人 / 獸, 唔駛問都知陰氣勁, 所以多年來都係 ' 到此一遊 ' 式喺外圍行個圈算. 今次破例, 諗住帶朋友入裡面打個咭, 點知就賴嘢.
朋友話入完鬥獸場回酒店突然感到天旋地轉, 仲話參觀嗰陣其實已經覺得周身唔自然 ( 雖然我去到都有起晒雞皮, 但好在冇後着 ), 可能陰氣太重頂唔順啦. 心諗, 唔係就咁玩完嘛, 嚟緊仲有成 6 日行程喎 😓, 好在食完飯返酒店, 唞咗晚第朝起身冇晒事.
2 ) 的士佬罷工示威
接著第二朝, 原來意大利全國的士佬因為不滿 Uber 發動罷工, 仲喺羅馬市中心街頭集合示威抗議, 不幸我哋撞到正 ! 四圍封晒路一大班警察人牆, 咁難得梗係唔好嘥, 愈行越近拍幾張沙龍啦, friend 見我行又跟住行, 點知行行吓前面突然發出 " 嘭 " 一聲疑似爆炸巨響, 當刻我真心覺得好過癮, 不過回頭一望, 原來友人已經俾呢個突如其來嘅聲響嚇到面青 😨
事後覺得好對佢哋唔住, 因為佢哋唔識聽又唔知發生乜事, 應該會真係好驚. 我就話喺羅馬嚇大啫, 佢哋新嚟未必承受到, 希望唔會太大陰影啦.
2024年5月1日星期三
有牌酒鬼
清酒酒齡我係 A0 😂, 未去上堂前對清酒零認識, 因為覺得來來去去都係啲大吟釀甜味, 興趣不大.
2024 羅友痕, 橫掂都係, 不如集齊全套, 攞埋個清酒侍酒師 ( kikisake-shi ) 牌. 另一誘因, 始於同事無心插柳嘅手信 : 一個好特別嘅 ( 日本清酒 ) 吞杯, 令我的起心肝, 想專業地理解清酒.
同班同學全部年青人, 除咗我. 下晝 1:30 - 5:30pm 一堂連踩 4 粒鐘冇 break, 對我呢啲 ADHD 簡直高難度, 最煩係坐旁邊一 pair "let 屎", 次次上堂都全程交頭接耳嘈 Q 住晒, 阿 Sir 又唔叫佢哋收聲 😠 更加眼冤係兩條女成日旁若無人互餵零食, 你一啖我一啖, 睇到都打冷震.
臨考試前嗰堂, 阿 Sir 派咗份 mock exam 我哋返屋企做, 話冇 model answer, 如果有問題可以 group chat 問佢, 我刨咗兩嘢就擗埋一邊, 仲特登唔溫試卷啲題目, 點解 ? 因為 mock 卷題目喺正式考試應該唔會再出啦.
考試當日打開份卷簡直眼前一亮 O 咗咀, 他媽的試卷 ! 竟然同份 mock 卷一字不漏地 [ 如有雷同 . 純屬巧合 ] 😱😱😱 CLS ! 好多問題因為 skip 咗冇溫到而唔識答, 再加上考試用中文, 文盲症發作, 執筆忘字拉牛上樹, 一路做條氣一路 chok 住, 仲發現旁人喺度互相交流 ( 互抄答案 ) 而監考嘅又顧住玩電話冇理, 嬲 ! 😡
三粒鐘考三份卷, 要全部都攞到 70 分或以上先合格, 門檻好高. 考完心諗 : 今次實行凍過水啦, 比佢哋冼鑊, 但如果真係肥佬嘅話條氣又唔順, 我係絕對唔會再俾幾千蚊去補考囉.
尋日考試結果出咗, 哈 ~ 合格, 符符碌碌攞咗個侍酒師資格.
2024年3月30日星期六
窮遊香港
接獲投訴話我成日唔 post blog, 係嘅 ...... sor 🙏 , 除咗近排冇乜特別嘢好寫, 仲要撞啱公司今年度第二次裁員, 正所謂生死未卜人心惶惶, 又點會有閑情寫呢.
內園最吸引我眼球就係棵 [ 紅皮糙果茶 ], 橙色樹幹, 摸落仲似足拜神啲香嘅質感, 好 surreal. 
終於, 上禮拜要炒嘅人被炒晒喇, 留得低嘅, 就再等傳聞年中嘅下一 round.
所以今日放鬆番少少心情, 窮遊吓久違了的香港, 去咗個可能大家聽都未聽過, 但又激發到我的起心肝出 post 嘅地方.
講緊嘅係 [ 元洲仔自然環境保護研究中心 ] https://fso.createhk.gov.hk/tc/location/detail.php?id=190, 即前新界政務司官邸, 想參觀的話要報導賞團, 諗住 walk-in 搏吓 ? No 啦.
一向對殖民地風格建築特別偏愛, 紅磚, 壁爐, 高樓底, 落地大窗, 一見就 💗💗 眼, 可惜有人眼冤, 大開殺界, 見一間拆一間, 而家喺香港已經買少見少.
屋外山環水抱自成一隅, 鳥語花香, 唔怪得當年住喺度嘅前布政司鍾逸傑, 諗到咁多德政啦.
連通往傭人宿舍嘅走廊, 都靚到好似地中海咁, 打工嘅心情靚靚, 自然就交到好貨出嚟.
不過最驚艷係花園, 去過歐洲見識可能覺得一啲都唔奇, 但如果香港土生同時栽種到咁多品種, 仲要全部健壯茂盛嘅話, 真係超級 amazing !
正當我陷入妄想, 幻想自己係當年高官, 喺官邸優雅地生活嘅時候, 旁邊兩個小紅書不停自 J 瘋狂互拍, AI 膠樣大煞風景, 除咗頭髮, 全部都係假, 大家欣賞吓.
2024年2月24日星期六
出外靠 ( 害 ) 朋友
唔知有幾多人會好 systematic 地整理同貯存旅行影過嘅相呢 ? 我有強迫症所以有, 估唔到呢次喺意大利可以大派用場 break the ice 😂
其實唔一定要影人, 原來連影過個地方而又能 point out 當年今日嘅不同之處, 都可以令到班意大利人好開心, 然後同你打成一片.
 |
| 漲爆經理 |
冇諗過張相會畀佢咁大打擊 😂😂
 |
| 不老的女侍應 |
而呢張係 Florence 某名氣牛扒餐廳 https://parione.net/ 同女侍應 2018 ( 下 ) & 2024 ( 上 ) 分別影嘅. 鬼婆嚟計, 咁多年都冇走樣算好襟老, 我 show 2018 佢睇嗰陣佢激動到咀咗我塊面一啖 💋 !
跟住就瘋狂畀著數, 甜品甜酒蛋糕源源不絕送上直到餐廳打烊, 辛苦咗兩個 friend, 因為我唔食甜嘢嘛 😅
 |
| 開心老闆 selfie |
至於呢個又搞乜呢 ?
又係搞着兩個 friend, 因為我少飲硬嘢嘛 😅😅
 |
| 太子爺 |
不可不提威尼斯離島 Burano 黑貓餐廳 https://www.gattonero.com/, 呢個唔關影相事.
其實我都算係好記性一族, 但太子爺記憶力仲驚人. 2015 第一次去, 2019 第二次佢竟然話記得我仲送咗隻酒杯畀我. 到今年 2024, 坐低冇耐太子爺走埋嚟望咗眼, 就半講笑同啲侍應講叫佢哋小心啲, 因為我識意大利文 😂
唔係掛, 我人生去過 3 次 ju 喎, 咁都記得 ?!
 |
| 爸爸大廚 |
咁厲害要求合照記認, 咁啱大廚老爸蒲頭, 當然咬住唔放打埋咭啦 !
平反拿波里
哈哈哈哈, 唔通 2024 年輪到我學 Peter So 蘇師傅話齋 : 行舒服懶人運 ? 其實唔想懶, 而係跟緊嘅 project 突然取消, 成個 1 月返工日日玩手指, 冇嘢做就唯有喺 office hours 開行 turbo 籌備 2 月意大利旅行, 跟住放工就出去慶祝生日.
 |
| 機場見到盒朱古力同我行程一樣 😆 |
今次意大利之旅, 決定早啲到, 整個拿波里 ( Naples / Napoli ) 一日遊考驗自己實力, 之後先同另外兩個朋友喺羅馬會合.
拿波里 1999 年
話拿波里危險我唔覺, 可能拿波里人講嘢語氣粗魯, 動作又比較大啫.
成日比人屈佢污糟, 目測拿波里地鐵不知比巴黎倫敦紐約乾淨幾多倍, 街道亦冇垃圾喎. 某 youtuber [ XX好食 ] 仲得意, 話拿波里污糟係因為圍周都係塗鴉 - 竟然將塗鴉同污糟掛鉤 😂😂😂, 笑死 !
訂閱：
文章 (Atom)