講起跟團, 我人生都跟過一次, 1996 年暑假返港, 法國文化協會舊同學先斬後奏, 竟然幫我報咗團先問我去唔去, 都俾咗錢唔去都冇得回水, 咁唯有去啦 😑.
Disclaimer : 下文含不雅內容及粗言穢語, 敬請留意.
 |
| 網上圖片 |
首先想講吓, 呢個團景點非一般, skip 晒 [ 四面佛 ] [ 大皇宮 ], 第一站竟然去 [ 蛇園 ] 😨 ! 顧名思義, 叫得 [ 蛇園 ], 園裡面當然充斥住好 L 多條蛇啦 !!! 熱屎辣辣被迫坐定定睇人表演撚蛇 😂, 成件事大顛 !
 |
| 網上圖片 |
晚黑食飽飽, 全團人被車去睇 [ 成人Show ] 觀賞絕技, 全場笑聲不絕 😆😆😆😆😆. 到男女混合大戰環節, 可能早前外籍男演員已連續演出多場, 疑似不舉未能發揮, 女對手雖然幫佢 "担" 咗好耐, 都係撻極唔着. 等到有啲悶之際, 突然後幾排傳嚟一把爆粗女聲 : " DLLM ~~ ! 含到牙都爛 L 埋都未得 ! " 😂😂😂😂
哇勁呀, 擰轉一望, 原來係靚女團友呀 (佢堅靚, 靚到可以比美張柏芝初出道嘅樣 😍), 後尾發現粗口女原來係女警, 而半團團友都係皇氣.
 |
| 網上圖片 |
比起曼谷, 芭堤雅行程算係正路 : 沙灘玩香蕉船 + 百貨公司購物.
 |
| AI 生成圖片 😂 |
法文同學一早做好資料搜集, 話泰國 [ 買 Wacoal ] 平, 喺 counter 一口氣買咗 40 幾個不特止, 返到酒店仲喺我張床上面擺陣, 將全部 bra 整齊排列 (點解唔擺自己張床呢 ?) 😂 最痴線係 call 晒團友入房參觀 😂😂😂😂😂😂😂😂 [ 註 : 直到今日, 我都唔理解同學搞呢壇嘢嘅目的 😅 ]
 |
| 網上圖片 |
同一晚上12 點差不多瞓着嗰陣隱約聽到一下下 boom boom 聲 (心諗, 唔係最後一晚先嚟料嘛 👻? ), 開眼一望, 原來係法文同學咗坐起身, 右手出拳不斷敲打自己張床, 急速語調重複 : " DLLM, DLLM...... 早知買多啲啦...... 早知買多啲啦......" (佢應該好嬲, 因為自己下晝買得唔夠, 第朝要飛走補唔到倉 😳😳 ). 哇, 痴線㗎, 一於瞌番埋眼扮瞓覺, 費事引爆佢更激烈嘅行為.
呢個深宵 boom boom 加整個行程, 實在騎呢, 好彩回程我哋成團被 upgrade 晒上 business class 🥳🥳🥳, 雖然係 Air India, 但招呼好好又不斷有酒 refill. I like 👍
