關愛座

望住個場我以為自己有紅綠色盲 😂

尋晚女友人邀請, 去佢有份做股東, 中環鏞記樓上嘅私人會所食淮揚菜, 設計出自香港某名師手筆, 老實講, 唔係咁識欣賞, 覺得似未畢業設計學生作品多啲.

6:30pm 去到, 會所餐廳空無一人, 以為時間尚早啲人未放工, 點知食到八點, 成層都仲係得我哋一枱 😬 

空櫈sssssssss....

果然, 食到半路中途女友人露出真面目, 狂 sell 各人入會, 雖然會費唔貴, 啲淮揚菜都幾好食, 可惜會所氛圍太港式, 我唔得囉. 

Cigar Room 終於有啲人氣, 但會唔會燈火通明咗啲 ?

無計可施, 唯有死死氣帶我哋參觀埋會所各層, 行咗一圈, 哇~~ 啲 member 😨😨😨😨😨😨😨😨😨  當刻, 我更加 convinced, 冇落搭係啱嘅! 

壓軸節目欣賞 live jazz, 其實 ok 嘅, 不過唔知點解, 坐坐吓女友人竟然拉咗兩隻 🦆🦆 埋嚟 😂😂😂  

最初以為係女友人啲 friend (佢好鍾意識後生仔), 但見佢哋杯接杯一味靠黐飲香檳, 扮晒唔識中文話自己喺法國返嚟, 咁 special ?  好呀, 轉台用法文同佢哋傾吓計先, 頭一兩句接到嘅, 點知再講多兩咀佢哋就露餡收皮, 東窗事發見勢色唔對, 香檳都唔攞急急腳坐番埋 bar counter 守候其他獵物 😆😆   上得山多終遇虎, 佢哋應該冇諗過會咁唔好彩撞板, 個場真係有人識講法文.

🦆鴨的真身🦆

環顧四周, 我哋張枱最後生嗰個都 55 歲 😆, 5 個人加埋超過 300 歲, 全場最老 😆😆, 有乜奶油會吸引到兩條仔坐埋嚟吖? 搵食囉, 唔通關愛咩 ??!! 😂😂😂😂😂😂