起底

住嗰度成個屋苑住戶近期都收到一封經郵政處遞派嘅信, 內附冥通銀行 5 千萬陰司紙一張, 及某人同佢老婆嘅相片, 詳細地址, 電話, 電郵, 自訂車牌號碼, 連架車泊喺苑住停車場邊處都寫埋! 叫佢哋欠債還錢. 

最恐怖係我八掛, 攞兩個當事人嘅 email address 作網上起底. 哈! 又真係比我挖到啲關於佢哋嘅料喎.

個男嘅鍾意賭馬, 因為喺啲賽馬網上討論區, 有頗多佢嘅發言.

之後又喺 you tube 摷到佢 post上去嘅 videos, 內容都係圍繞一間涉及網上原始股騙局嘅傳銷公司, 執笠之前佢喺度做過.

 女嘅就少啲料, 只係喺 you tube 搵到佢個仔同一啲教會嘅片段.