烈焰紅唇

早陣有個電視廣告我好 like : Johnny Depp 同 Vanessa Paradis 生嘅 Lily-Rose Depp x Chanel coco rouge gloss 唇彩廣告.  

瘦到得棚骨, 化行裝扮大人, 瞓喺度笑騎騎, 轆嚟轆去飛啲唇彩, 唔知點解, 我覺得佢咁樣好靚喎.

講起唇彩, 尋日喺北京酒店 check-out 嗰陣, 比條女嚇一嚇.  

好明顯, 佢個嘴原本好大.   唔知係想人望落會覺得細啲, 定係而家興 ( 潮流呢啲...... 有時真係會令人好 confused ), 搽唇膏, 竟然只搽嘴唇厚度嘅一半, 仲要係實色, 成個藝妓咁, 嚇 L 死 !

藝妓

半個嘴化妝

再進一步, 等簽咭期間, 有新發現 !
  
美女兩邊嘴角嘅唇膏, 可能因為啱啱食完油膩食物, 或者口水分泌太多, 已經完全溶化甩色.  視覺上, 嘴唇分開咗上下兩截, 說話時候開開合合, 景象異常恐怖.

O 嘴

唔知前台有幾多部 CCTV, 假若有人翻睇, 一定會發現我 N 次情不自禁地 O 嘴.





咁高興, 不如再 share 多啲.

而家份工, 隔離房同事 '潔癖'
 http://shirliek.blogspot.hk/2015/11/neat-freak.html , 每朝返 office,  十次着咗九次, 上面半棚牙都係紅色 (下圖 Jolin 雖然只有兩隻, 望落已經都好驚驚嘛) , 每次都提醒 '潔癖' 捽甩佢牙啲唇膏. 

Jolin 紅色牙

久而久之, 差不多 3 年, 提咗百 9 幾次都仲係咁, 我開始覺得佢係故意嘅.

都怪我唔識撈太多事, 呢啲應該係佢 <求偶 > 表現.  所以近期已經停止提醒, 希望佢快啲搵到 !