爭櫈仔

真係精神虐待, 差唔多成兩個月, 公司都仲未正式公告留得低嘅人會點搞.

最差就係, 被裁嘅, 連幾時先走得都唔知, 公司一未拖字訣.  

係就係, 唔係就唔係囉, 做乜要喺度拖泥帶水, 浪費時間, 燃燒人哋所剩無幾嘅青春啫, 變態 !


兩個 office 合併, 搵着我嚟搞, 坐開 40 幾人嘅地方而家要塞成 70 幾人入去, 淨係要踱掂個劏房 layout, 已經死咗好多細胞.

我計過喇, 平均呎數由每人 200 sq.ft. 下降至每人 137 sq.ft. -->  縮水 3 成多.

仲有個 toilet, 因為同事習慣喺屋企有屎唔屙, 留番喺辦公時間大解, 以至朝早返工 / 食 lunch / 放工前後, 呢啲所謂 peak hours , 廁所一定迫滿人.


原本已經𢺳車邊, 而家仲突然加多 3 成 " 屎 " 用率, 我怕呢座甲級工廈嘅排污系統頂唔順, 穫利回吐, 廁所噴番晒啲屎出嚟.

講番啲部門阿頭, 由見到個坐位表嗰刻開始, 就個個都好有意見, 人人都要坐靚位, 死霸爛霸, 連 store room 都有人爭.

坐邊度, 其實都係老闆欽點㗎啦, 不過有啲人又真係唔知自量, 係都要划爛塊面走去同老闆 lur, 話自己個部門有乜乜物物價值, 要擺喺啲 dominant 嘅位置, end up 答案當然係 NO 啦, 自討沒趣.

啲有坐到好位嘅人, 竟然又要眼紅人喎, 話某人之前都係坐 general office 之嘛, 點解過到嚟呢邊會有房坐, bla bla bla......

妖, 人哋坐唔坐房關你 L 事, 你冇聽過乜野叫 "大躍進" , "升呢" 咩 ?

唉...... 而家先至係開頭, 遲啲知道啲櫈款有分別之後, 一定又嘈到拆天, 集體爭櫈仔 !