八婆捕獲

住嗰度雖然唔算地靈人傑, 但勝在密度低, 除非返工返學繁忙時間, 平時喺屋苑想搵個人見吓都難.

住客表面上比較施文, 除咗而家講嘅呢對八婆母女.

老母 & 老女

老母尚可, 佢生嗰個女張臭臉,  exac7ly 同電視裡面頭拎拎, 藐嘴藐舌嗰啲死八婆一模一樣.  年過四張, 腳短, 行路行到隻鴨咁, 冇身材不特止仲凸眼.  正一係除晒衫瞓喺街都冇人理嗰隻 !

每朝 ( 如果 ) 返工同呢兩條友搭同一班 62K 小巴, 多年嚟完全未見過佢哋交流 / 傾偈, 到站落車形同陌路, bye-bye 都唔講各有各行.   如果佢兩個唔係咁 L 似樣, 根本冇可能知道係母女關係.  

佢老母冇特別得罪我, 但而家都睇佢唔順超.  點解 ? 因為佢生咗個咁嘅女出嚟, 又唔識教, 為害社會囉 !

62K

有日滂沱大雨, 小巴站排晒大隊, 等咗好耐先有車到, 嗰對母女排我前面, 車上只剩一個位, 佢兩個唔上又塞喺門口掗住, 我見仲有位, 咪行前準備上車囉, 點知條八婆好大聲喝我 : " 爭咩嘢爭 ! "  

司機見勢色唔對, 立即閂門踩油走人, 搞到連我都冇車搭.  雖然好㷫, 但冇同條有爺生冇乸教炒, 費事貶低人格.  佢咁嘅脾性, 呢世想有男人埋身? 慳啲啦 !

嚟完一鑊又一鑊, 有次搭火車, 入閘跟正老母後面, 佢拍完八達通我跟手拍自己嗰張, 點知佢唔知做乜突然停低, 幾秒後先過閘, 轆 Q 埋我嗰個 round, 搞到我入唔到閘要跑去票務處.

正一阻住地球轉, 見親佢兩母女都冇好嘢.