好懶, 差唔多成個幾月冇寫 blog. 其實 no news 即係 good news, 對嗎 ?
執筆寫第二段嘅呢一刻只係晚上 9pm, 但我已經覺得超眼瞓同埋睇嘢好朦, 就盲皆因尋日暴雨冇出街, 花式自殺一口氣連環煲晒兩季 Netflix 16 集 [ 黑暗榮耀 ].
啲人講到熱血沸騰話套劇好好睇, 人睇我又睇驚死蝕底. 煲完, ok 啦, 可能年紀大, 冷感, 除咗見證到近期韓國整容發展成熟外 ( 主角們 vs. 其他冇大執過嘅演員極端外貌反差 ! ), 實際套劇老土牽強搵嚟做. 話雖如此, 好在耐唔耐都彈啲 ' 你估唔到 ' 嘅情節, 所以又未至於悶到要熄機.
遊咗咁耐花園, 差啲唔記得講今次出 blog 想爆嘅主題.
話說, 啱啱過咗嘅星期二 5 點幾由火炭打的出佐敦食飯, 途中車上播住 RTHK 2 訪問某 ( 話自己淨係得男仔朋友 ) 畫家 / 女歌手, 把聲作狀不突止, 原來仲係耶撚 !
聽到最火滾係條女話以前畫畫創作都以沉色為主, 因為要反映 ' 前半生 ' 佢飽受嘅創傷同折磨之痛.
趕 ( 講 ) 嘢勁多懶音, 後來上 wiki, 條耶撚今年只不過 24 歲, 所謂飽受創傷折磨之痛嘅 ' 前半生 ' 原來係 趕 緊19 歲以前 😂😂 .
耶撚話因為 割 ( 覺 ) 得信主後人生必定會變得非常精彩, 所以而家畫風變咗色彩繽紛 🌈 🌈 🌈
哈哈, 咁肯定會精彩 ?
