今日蘋果副刊 (轉載內容如下):
【飲食教室】學識法國麵包讀音 揀法包出口不出手
麵包對法國人來說非常重要，從早吃到晚上，每餐必備，就如我們的米飯一樣。正因如此，法國餐廳提供的麵包品質亦相當高，尤其是高級法國餐廳的自家製品，更
值得期待。眾多款式的麵包有時會以籃子盛着，直接放於桌上讓客人隨意享用，有時則由侍應用大盆捧到客人前，逐一奉上，此時手指指、甚至自行用手拿又只會失禮收場，還是學識簡單讀音吧。
啲簡單讀音, 仲差過幾十年前通勝尾頁, 教阿婆讀英文嗰啲廣東話拼音.
法文 <Le> 字, 用廣東話拼, 讀音 'lur', lur 脷個 lur, 點讀都唔讀成 "劣" .
而最尾個 Focaccia (香草麵包) 仲好笑, focaccia 係意大利麵包, 定冠詞 (definite article, 即英文 The) 係 <La>, 就算個包傳咗去法國, 啲法國人都叫 la focaccia, 唔係 le focaccia.
好明顯, 記者嘅聽力同接收力都有問題, 放流料. 如果聽佢老點, 用呢啲錯到不得了嘅所謂 '讀音' 去買包, 真係搵鬼識聽, 失禮收場. 有啲嘢, 唔識就唔識, 冇得扮識.
講開拼音, 好想分享吓最近飲過嘅一支香檳.
大家睇清楚個 label, 有乜發現? 有冇見到 'Carina Lau' 呢個大名 ?
'Carina Lau' 乜水 ?
'Carina Lau' 即係劉嘉玲, 梁朝偉老婆, 或者 '中國巨星' (Superstar de Chine, 法國宣傳啲酒嗰陣嘅來頭, 犀利 !), 佢同香檳酒莊合作, 出咗啲自己名下嘅 special editions.
第一眼望個 label, 好親切, 咁似以前啲叔父飲嘅白蘭地嘅 ? 仲有, label 華麗中帶少少浮誇, 真係好配襯女主人嘅性格, 背景同 lifestyle.
另一發現, 係覺得酒莊名稱亦似曾相識...... Moutard. 比着蘋果個記者, 會唔會拼音做 "茅台" 呢 ?
一般嚟講, 我算係識撈, 易相處, 順得人嗰類 (唔發脾氣嗰陣), 去到邊, 都好易同人打開話題.
自從做咗呢間公司, 呢個 '自以為是' 嘅強項, 已經完全被啲騎呢同事嘅異行擊破.
早幾日公司周年大會, 各部門要匯報來年計劃.
部門 presentation 由我位虔誠教徒同事負責, 事前已經特別謹慎, 反覆核對佢 powerpoint 內容, 以防佢寫埋啲無謂嘢, 當眾出醜.
但要發生嘅始終都會發生, 臨開波, 虔誠教徒鬼祟偷襲, 喺冇知會我嘅情況下, 同負責 slide show 同事話有重要 updates, 同事不虞有詐, 比佢即場纂改內容.
結果佢喺尾頁加插咗兩段福音不特止, 仲噏埋啲乜七 一早起身比神寵召 嘅話.
真係目瞪口呆, 咁唔 pro, 喺公司周年大會傳教, 完全不理他人感受 !
咁比着其他同事有樣學樣, 信某某教嘅 present 完講句多謝祖師爺, 跟住點火化度符, 又得唔得 ?
啲 xx 徒, 就係專做埋啲乞人憎嘢, 去乞人憎 !
呢單都算, 尋日 office 舞獅, 各同事歡天喜地, 追住隻獅, 與此同時, 虔誠教徒竟然坐喺位黑口黑面, 成個屎樣.
心諗, 舞獅又有乜得罪你呀 ?
舞獅係中國傳統, 同信仰冇抵觸喎, 咁唔高興, 咁介意中國傳統, 過年唔好收利是吖笨! 再唔鍾意, 搬去耶路撒冷住, 嗰度冇舞獅啦.
禍不單行, 今日食 lunch, 又坐正喺另一 xx 徒隔離.
呢條 xx 徒, 正樣衰, 成個豬頭咁, 全 office 都知佢係冗員, 攞 director 人工, 一啲建樹都冇, 問佢乜都唔知, 返工時間炒樓炒股票, 公司重大會議 / events 永遠請病假, 避免現身.
咁嘅德行, 擺到明老闆唔 like, 而家開乜會都 exclude 佢; 比着我好驚啦, 但佢竟然仲可以洋洋得意, 厚顏無恥話冇自己份仲好.
平時食 lunch 豬頭好狗, 如果係 self-service, 佢永遠用霸位做藉口, 成座山咁坐喺度, 等女同事同佢買埋嘢食同嘢飲, 攞哂埋位比佢, 仲一定唔會講唔該. 妖! 屙篤尿照吓啦! 你估你係吳彥祖? 就算比着係吳彥祖, 我相信佢都一定會好好照顧同行嘅女士, 唔會好似你個豬頭咁冇風度!
今日叫餸食飯, 全枱 9 男女 : 7 女 2 男 (豬頭 + 一個 gay).
Gay 同事好好, 堅持每度餸先分比各同事, 之後至自己食.
豬頭非常唔掂, 身為男人, 竟然同班女人一齊等 gay 同事 serve, 飯來張口, 正一豬食餿 !
Ok, 見佢杯茶乾哂塘, 頂唔順, 同佢斟咗幾次, 明明見到我斟, 連唔該都冇聲, 老馮咁. 一定要斟茶比你㗎? 你老味!
冇禮貌, 冇教養.
信教信成咁, 唔信好過信. 我同呢啲畸形, 今生來世, 冇可能會埋到欄!
每逢過年, 都會有啲唔知係乜水嘅人, 代表成個香港去求籤.
尋朝起身, 睇到東方頭條, 當堂火都嚟.
頂佢個肺!
冇新聞, 自編自導自演, 搵條茂利走去黃大仙, "話"求到 3 支下下籤, 大做文章, 噏三噏四, 乜香港低處未算低, 得個吉, 大唱港不宜居, 移民為上.
荒謬! 東方報業, 憑乜可以代表香港去求籤?
今日又嚟料 :
五星連珠迎歲,
香江必有動盪.
天文現象, 都可以比佢攞嚟作故仔, 危言聳聽, 話對上一次 2005 年連珠, 香港及全球天災人禍不絕.
所謂天災人禍, 就係呢啲:
- 董建華三月宣布辭職
- 曾蔭權六月上任
- 年尾世界貿易組織部長級會議在香港舉行，近萬名韓農示威者來港示威.
- 教宗若望保祿二世病逝
- 倫敦遭自殺式恐怖襲擊
- 颶風吹襲美國
超! 簡直夾硬嚟.
東方好鬼小器. 無時無刻, 一有機會, 就寫衰香港郵政, 消防, 同國泰航空, 一啲都唔專業, 記仇. 陰魂不散, 每次睇到都覺得好煩.
