兩個禮拜前公司喺曼谷搞亞洲區三日兩夜 2018 kick-off 大會, 去完返香港得番半條人命.
除咗夜晚嗰餐可以出外唞吓氣, 所有活動基本上都要與世隔絕, 喺酒店 ( 禁閉營 ) 裡面進行. 曼谷空氣污染, 天氣好熱 ? 呵, 完全感受唔到喎.
公司成日話冇錢, cut headcount, 左扣右扣, 合併諗縮數, 加陣又勞師動眾, 花幾廿皮飛班人去泰國住酒店困獸鬥, 完全唔明係乜邏輯.
露營野火會, 返工扯火會. 會議第二日請咗個 coach 嚟同我哋洗腦, 猛講牌子有幾好, 又乜又七, 吹到阿媽都唔認得. 仲迫人分組討論 team building, 講出品牌 values ( 價值 ).
呢世人最憎人 hard sell 同 team building, 在場人士應該見到我關公上身, 9 秒 9 黑面 ! 正當扯火之際, 坐旁邊條懵炳竟然唔識趣, 叫我 share 我嘅想法, xy@#z ......
😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡
如果真係要 share, 我覺得品牌勁 out, 迂腐, 過氣, 老土, 脫節, 短視, 孤 9 寒, 朝令夕改, 行政混亂囉!
End up 冇講, 因以上大部份都唔識英文點講, 但都超級唔客氣回應佢 : " 我所有評價都好 negative, 你最好唔好問 ". 佢當堂嚇窒收咗皮, 成日都唔敢再同我講嘢.
同場同事, 唔知係被催眠定係天生演技派, 個個變晒親生仔女, 成班人吹噓, 話大家係個大 family, 講到個品牌天上有地下無, 仲話最大嘅 value 係 LOVE 喎.
嘔 !
搞完呢壇, 元氣大傷之外仲覺得好恐怖, 點解啲人可以將惡劣講到變咗優點嘅 ?!
多做多錯, 少做少錯, 唔做唔錯.
當你密集地去做同一件事, 出錯嘅機會, 必定比正常超出好多倍. 今天早上, 犯咗個從來冇諗過會發生喺自己身上嘅錯.
驛馬生涯超過 20 年, 繼上年意大利漏低銀包喺飛機事件後, 今年再下一城, 嚟個老人痴呆加強版.
朝早要搭 08:55 機, 06:40 打的去機場, 諗住有成兩個鐘走盞, 實冇死啦, 仲 check 班機起飛閘口起飛近邊個 lounge, 可以走去 heah 吓.
點知, 行行吓過完成條青馬橋, 就嚟入收費站之際, 突然醒起冇帶 passport 😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱😱
當時情景, 簡直同發惡夢嘅情節完全一樣 ! 好驚, 如果 miss 咗呢班機, 要等成 12 個鐘後先有下一班, 成個 schedule 拖垮晒, 大檸樂.
司機睇怕身經百戰, 年中遇着唔少我呢類懵炳, 佢不慌不忙, 打個大回旋入迪士尼調頭. 當時睇錶已經 07:05, 班機 08:55 起飛 ( 即 08:10 停止 check-in ), 代表只得一粒鐘時間來回屋企同機場. 咁, 仲搏唔搏呢 ?
搏 !
呢個司機, 竟然可以 20 分鐘內, 喺 07:25 車到我返屋企. 狂奔上樓攞 passport, 9 秒 9 完成, 點知架𨋢唔生性層層停, 落番去樓下已經 07:30.
當刻有啲打定輸數, 因為必經嘅大埔公路一定好塞車, 點知司機好有 heart, 塞出大埔公路後, 立即同我 ' dum ' 盡, 80km 飛 110 /120km, 最後 08:05 到達機場 !!!
好多謝佢, 因平時由屋企去機場, 至少要 40 分鐘.
趕路途中, 見有私家車左穿右插, 仲狠過我哋. 平時揸車遇見呢啲, 會諗 : " 哇, 趕住去死咩 ... ", 但而家我相信, 佢哋應該真係好趕好趕時間.
有時打的去機場, 上車嗰陣司機會提醒, 問有冇帶齊證件 passport, 覺得佢哋多餘嘅 ... 家陣知道呢啲先係寶.
二月最後一 day, 香港時間晨早 5 點幾, 身處意大利出席緊花生騷嘅老闆 whatspp 告知品牌 CEO 剛被炒魷嘅消息, 話公司唔會有事, 叫大家唔駛驚.
驚 ?! No la, 我都唔知幾衷心地抵條友死, 抵佢有今日.
山舨充炮艇, 明明自己只係 3 - 4 線品牌出身根本不知 luxury 為何物, 又要扮上菜. 入主嗰陣仲好大口氣, 話喺 2020 年前會將公司業績起孖, 當時好多行內人聽到, 應該笑到個咀爆咗.
呢個人任意妄為, 朝令夕改, 亂咁嚟搞到公司立立亂, 人心惶惶. 在任期間, 踢走總部 8 成高層換晒自己友, 可惜佢班 friend 質素平庸唔爭氣, 剩係識搞搞震, 完全做唔到大事.
最夠膽死就係學人搞革新, 貨又搞, 廣告又搞, 舖頭設計又搞, 仲話搞 high tech. Tech 佢老味, 自己唔夠班又冇 insight, 明明意大利品牌竟然搵個英國佬去抄法國設計, 扮 cool, 不知所謂, 完全不顧著開品牌班阿嬸嘅死活, 唔駛問阿貴, 都知唔 work 啦.
最荒謬係今季 ad campaign 模特兒身上著嘅, 竟然唔係自己品牌嘅衫, 你話係咪好過份 ?!
公司自從年半前佢揸旗後生意節節下降, 主打嘅女裝鞋銷售插水, 股價大跌 12.5 % !
前幾個月開始不斷有時裝界報刊寫臭佢, 話佢大隻講.
當時已經 feel 到佢命不久矣, 哈, 估唔到話咁快就玩完, 2 月 28 炒佢當日, 公司股價立即升咗 4%, 可想而知啲人幾唔 likey 佢, 幾想佢 out.
