< 以笑遮醜 > 冇 < 搵窿捐 > 咁難, 因為自己想笑就笑, 唔需要外在因素, 搵個窿配合.
我哋食因為餓, 法國人天生識嘆, 食就係為咗享受食物嘅美味. 今次法國之旅受人所託, 就算唔瞓都要食好西.
食多錯多, 出洋相之際冇窿可捐, 唯有一笑, 以遮天下之醜 😂
出醜 1 : 蝸牛飛彈 😂😂😂
老一輩必定睇過 < Pretty Woman 風月俏佳人 >, Vivian ( Julia Roberts ) 唔識用鉗食蝸牛, 當眾出醜夾到成隻蝸牛飛走咗.
原來現實真係會發生, 我隻大陸馬夾飛隻蝸牛不特止, 仲彈到自己成身同成枱面都係油 😱 比成村人望住, 極度樣衰.
出醜 2 : 麵包 + 魚子醬
第日午飯食魚子醬, 諗住應該冇乜難度, 可惜我實在太低估大陸人出醜嘅潛力, 一唔留神, 又比另一同胞一個屈尾十攞套刀叉去鋸麵包食 😱😱😱 他媽的 !
我十分禮貌地同佢講 : 你好, 麵包, 係用手食㗎.
以為已經控制局面, 點知上魚子醬嗰陣, 佢竟然繼續 用手揦嚟食 !!! 😭😂😄😐😑😣😤😓😥😦😧😩😫😮😯😲😰😳😵😶
Wakakaaaaaaaa~ 呢壇世紀大騎呢, 唔止 waitress 笑死, 連我當場都忍唔住 LOL 大笑出嚟.
出醜 3 : 香檳 ( fxxking 倒晒 ! )
除咗香檳, 諗住同啲友飲吓紅白, 感受吓法國酒嘅樂趣, 點知中午一支紅酒已經 K.O 晒佢哋, 搞到個個天旋地轉晚黑食飯要猛飲滾水 😂 為安全起見, 嚟緊幾日都係唔好 mix, keep 住飲檳好喇.
好多後生都自視過高覺得自己好掂, 隊到成頭紅晒神枱燈咁都仲要逞強追住飲, 飲大兩杯動作大, 主菜都未上已經打瀉 3 杯香檳, 搞到成枱濕晒一地都係, 失禮死 🙈.
Waiters 望住我, 我又望住啲 waiters, 頂 ~ 唔關我事㗎.
都話 < 唔飲得唔好飲 > 㗎啦.
< 搵窿捐 > 係人都知點解, 但當極為尷尬嘅事情發生之時, 我真係從未試過可以立即搵到個窿嚟捐.
剛去完嘅巴黎, 血淋淋地, 深切體驗到文化差異謂何物. 人生第一次同大陸人出 trip, 大開眼界到一個點, 望住佢哋啲太太們一身火鑽伯爵蕭邦, Guccy Jimmy Choo Chanel 鱷魚愛馬仕, 流晒口水, 羨慕又妒忌.
為國家爭光, 好 ! 唔似我呢啲香港 cheap 友, 諗住著啲穿窿衫去, 著爛就丟, 同佢哋一齊行我個兜踎寒酸 look 真係映衰晒佢哋, 又得我講法文, 唔怪得啲法國人以為我係導遊囉 😂😂😂
Wechat 同 Alipay 喺法國唔通用, 又唔係度度碌到銀聯, 佢哋冇 visa master 每日出街唯有攞現金. 攞幾多 ? 同個女買糖, 比錢嗰陣我𥄫到佢銀包疊100 歐羅有 2cm 厚.
1cm = 100 張, 2cm 即係帶住 20,000 歐行街街, 唔怪得巴黎近期有咁多專打 7 大陸人嘅扑頭黨啦, 雖然一望就知我唔係同類, 但都希望啲賊唔好以為我係保鑣, 打爆我就得喇.
我, 頂多係個導遊 ja 😂😂😂
最鍾意染到個頭火紅火綠, 但好怕染髮過程, 坐定定起碼要搞兩三粒鐘, 好悶.
前日食完 lunch 走去 IFC 染髮, 飯氣攻心, 啲染髮劑搽落頭皮度涼浸浸舒服到爆, 一路染一路釣魚. 半夢半醒之際, 比身後一把好 ' 拆 ' 嘅女人聲嘈醒.
佢好勞嘈, 扯晒火當眾大鬧個賓 ( 女佣姐姐 ), 話佢蠢, 講極唔明仲駁咀. 佢應該係叫賓妹攞件衫去比人改, 想吩咐賓妹提醒人, 佢件 < 黑色 lace 袖成兩萬七千五蚊嘅衫 > 係好貴嘅, 點知賓妹唔識聽廣東話, 佢又唔識英文, 雞同鴨講.
實在太眼瞓, 冇為意, 繼續釣魚, 點知釣唔夠 3 分鐘又比條八婆把 ' 拆 ' 聲吵醒, 張開眼, 驚覺附近客人已經四散, 身旁坐位全 ' 吉 ', 跟住髮型師走埋嚟, 細細聲問我...... 駛唔駛調位 ?
吓, 點解嘅 😆 ??
洗頭嗰陣, 髮型助理同我講, 呢個女人每次嚟都大吵大鬧, 扮晒勁引人注目, 成間 salon 都怕咗佢.
咁巴閉, 洗完頭, 認真𥄫吓佢乜料先 !
他媽的, 只不過係其貌不揚, 短小兼肥腫身材嘅中女一條 !
佢啲碼頭 ? 手上普通戒指仔鑽石都冇粒, 一個人攞兩個手袋出街, 左 Gucci 右 LV, 仲要係十幾年前舊貨, 再搭個 ' 巢 ' 爆嘅 LV 大紙袋, 裡面擺滿膠袋雜物, 真係睇唔出佢有乜貴氣. 最爆笑係佢要人舖毛巾墊住啲 LV Gucci 同紙袋.
終極怪行, 係埋單嗰陣喺 Gucci 袋攞咗 ' 棟 ' 3 吋厚嘅信用咭出嚟, 目測應該有三四十張, 仲白痴到喺人前演嘢, 逐張咭揭, 然後慢動作抽出一張遞比人轆 . 心諗, 你覺得咁好型, 人哋會羨慕咩 ?
事實係, 你行咗出門口後, 髮型屋個個揞住半邊咀, 笑你囉.
都話㗎啦, 好就好, 唔好就乜都賴晒你. 我講緊 office 風水壇嘢.
師傅 set 咗 priority, 先搞兩位病入膏肓同事, 要馬上清走房內所有紅色物品. 完成, 佢哋病情巧合又莫名其妙地, 喺一星期內有明顯起色, 唔係立即好番, 但起碼都唔駛長期病假, 一個月返得幾日工.
與此同時, 坐我附近兩位要員, 突然一個生蛇一個大感冒. 呵, 路人甲有嘢講喇, 話師傅唔掂.
愚昧兼可笑, 根本當時我仍在搜羅風水物中, office 一條毛都冇郁過. 嗰兩位要員病, 好明顯係財多身弱自身問題, 不過由得啲人噏啦, 無謂勞氣同啲無知婦孺一般見識.
 |
| < 白金銀 > 畫 . 信者得救 😝 |
同師傅薄有交情, 佢明益幾句, 建議我房內坐位背柜擺 < 白金銀 > 畫, 可以旺兩年. 我咁 Q 懶, 追問搞乜可以再做少啲, 佢冷笑一吓, 唔睬我囉 😂
 |
| 屋企風水陣 |
睇完 office 睇屋企 ( 註 : 我有真金白銀比 $ 㗎 ), 間屋坐向差但屋外風水還可以, 住落唔會特別好但又唔會太衰.
屈埋佢算吓來年運程, 佢話我下年冇動像唔會轉工, 同埋公司唔會有大錢比我, 叫我死條心 😤. 真係多謝佢咁坦白, 咁即係我 2019 可以慳番啖氣喇.
 |
| F&B Coupon |
嗱嗱聲根據師傅張 < 方 > 擺陣強化屋內風水, 擺好當晚代表老闆出席一個馬場活動, 巧合又莫名其妙地, 抽到 $1,000 酒店 F&B coupon 💪 !
 |
| Apple Watch Series 3 |
上星期一 1 Oct 國慶跑馬, 巧合又莫名其妙地, 又抽到馬會四獎 Apple Watch 一隻 💪💪 !
3 個禮拜抽中兩次獎, 又好似幾旺喎. 可能心理作用, 覺得睇風水後周遭事物老黎咗, 連出街都可以一車駁一車, 幾乎唔駛等.
師傅係邊個 ? 今期發哥封面明周有佢豪宅專訪.
老一輩必定睇過 < Pretty Woman 風月俏佳人 >, Vivian ( Julia Roberts ) 唔識用鉗食蝸牛, 當眾出醜夾到成隻蝸牛飛走咗.
第日午飯食魚子醬, 諗住應該冇乜難度, 可惜我實在太低估大陸人出醜嘅潛力, 一唔留神, 又比另一同胞一個屈尾十攞套刀叉去鋸麵包食 😱😱😱 他媽的 ! 
