會所初體驗

 

 

托朋友鴻福, 有幸踏足西環一所標榜專為文化創意人士而設嘅私人會所.

記得上年會所開幕初期, 各界人士趨之若鶩, 一窩蜂爭崩頭趕住入會, 蔚為奇觀.  無他嘅, 自稱高級會所但門檻低, 搵兩個 member 簽紙就得, 完全唔駛幾十萬入會費, 年費二萬二, 即每月一千八百幾, affordable 啦.

會所門口

平時搭車經過門口十分好奇, 玻璃窗貼晒黑色 sticker, 入口黑麻麻, 究竟裡面係點嘅呢 ?

前晚, 終於可以一窺全豹.  

其實我覺得設計還可以, 似 Dan Ryan's x Kee Club 再 modern 少少 ( 希望設計師睇到我咁形容唔會斬死我 😅 ).  至於員工服務, 要比個 like 👍 佢, 禮貌友善反應又快, 對會所設施非常 knowledgeable.

成棟大廈廿幾層頂樓數落 3-4 層 F&B, 之後幾層 gym 同 spa, 仲有影院, function rooms, art exhibition, 遲啲開埋多層 co-working space.  不過個 club 多 9 餘, 自我感覺太良好, 話唔接受 banker, 律師, 醫生申請入會喎.  心諗, 人哋一早入晒 Golf Club, Country Club, Hong Kong Club 同 American Club 啦, 做乜要喺西環電車路同班文化創意人爭入會啫 ?

白蠟燭 ( 偷影 )

晚飯喺 28/F House Brasserie 食中餐, 但 menu 有 burger 個喎, 的確夠晒創意.  枱面仲點咗支白蠟燭, 啋 ~~ 真係大吉利是.

全場滿座, 九成半係西人, 諗住嘢食都係呃鬼佬嗰類味道啦.  點知出乎意料之外, 佢哋中餐做得好過幾間高級私人會所好多, 完全冇遷就外國人口味, 尤其個蝦多士同烤鴨, 做得特別出色 ! 非常之好食, 可惜會所唔比影相, 記錄唔到美好回憶.

蝦多士

盂蘭剩食

汪阿姐燒街衣

 

 今朝起身上網睇新聞, 除打咗個突, 仲火都嚟 !

 

盂蘭花生

香港中文大學有條所謂教授, 大陸女人, 竟然執人燒街衣啲花生 豆卜 同橙番屋企食 😱   仲自鳴得意, 喺 FB 大曬自己同鬼爭食得來嘅三餸一湯, 用間體字寫若 : 

[ 左下角的卤花生就是本人披星戴月拾来的花生，印佣姐姐剥壳后加姜片生酱油和汤，用煲粥锅煲到汤去汁出而成，简单美味 ].  

簡直離晒大嫂黐撚線 ! 

除此之外, 又話人燒街衣路祭食物不收回係浪費, FB 群組學生睇唔過眼 ' 拮 ' 佢幾句, 佢就同人罵戰貼圖示威, 懶得戚話 : 

[ 水果也好吃, 哈哈 😄 我开心关你屁事 ]    

呢條女人真係不知所謂, 為人師表搵啲涵養都冇, 中大原來撈埋啲內地垃圾嚟培養 GPA ( 政治與行政學 ) 人才, 唔怪得香港而家淪落成咁啦.

FB 某同學話齋, 啲鬼一年先上得嚟一個月, 佢都仲要食 9 埋人哋啲嘢, 真係慘絕人寰囉.   

我覺得同學講得好啱喎, 今年 2020 唔只做人, 做鬼都慘, 因為疫情關係少咗好多人燒街衣, 神功戲又 cut 晒, 資源嚴重缺乏.  條大陸女人食埋人嗰份仲要好似好巴閉咁, 唔只行衰運, 啲靈界朋友除咗搞柒婆, 實去搞 9 埋佢.