2019 第一蠢事

尋晚明明唔駛飛都走咗轉機場, 搞乜 ?  去博覽睇 Pet Shop Boys 嘛.  

乜嘢係 Pet Shop Boys ?  今日食 lunch 問 80 後同事知唔知, 佢 O 咀, 緊係啦, Pet Shop Boys 紅嗰陣佢啱啱出世 jaa.

不過同事話 fb 發現兩個互不相識但同樣係玩音樂嘅朋友都分別去咗睇.  係喎, 尋晚現場觀察, 有唔少年輕觀眾, 至少比上次睇 < 太極 + 溫拿 > concert 嗰啲阿伯阿嬸後生二三十年 😆

喺 AsiaWorld Expo 睇演唱會最大好處, 就係有檳 (champagne) 賣, 可惜膠杯裝丁屎咁多未開場已經飲晒.  把幾火 BYO 攞個大水杯去買, 叫佢 3 杯倒埋一杯費事再行嚟行去.

聽 live 就係貪佢夠大聲, 巨型喇叭震耳欲聾, 打通任督二脈, 勁過癮 !  屋企唔得囉, 前晚 10 點幾聽 CD 大聲啲都比鄰居投訴, 仆佢個街 ( 好似隔離屋對 she-she 話齋 ) 咁鍾意靜, 搬去墳場住啦 !

不得不提我做咗豬頭, 太心急, 冇睇清楚喺 Viagogo 買咗飛, 結果同樣位置每張飛比 HK Ticketing 貴成 300 蚊 ( 即原本 $580 嘅飛佢標價為 $880 ), 仲比佢收成 5 舊水手續費 !  

上網摷吓, 根本 Viagogo 已經比全球無數人小爆, 真係好嬲自己點解咁蠢中伏 !  冇得退票, 但有個可以將啲飛放番上網睇吓有冇人買嘅 re-sell 功能, 唯有試吓.  點知真係有 ' 茂里' 上釣買咗我套飛, 最後仲得到回水, 但就蝕 Q 咗 5 舊手續費. 

Viagogo, 你去死吧 ! 

眼看手勿動的一餐

食完呢間人形町 < 今半 > 已經成個禮拜, 好驚為天人一定唔係, 但嗰種念念不忘, 蟻咬咁, 要下禮拜再飛去食多次都 very ok.   日本人做事細心, 連食物過敏表都有中英日韓同西班牙語對照.

同樣菜色組合, 有 sukiyaki 同 shabu shabu 兩種煮法.  我哋揀咗 sukiyaki, 諗住自己嚟煮, 原來唔係. 

全晚由後生女服務員招待, 我哋除咗傾偈飲酒齋睇, 乜都唔駛做坐喺度等食就得.

其實啱嘅, 比靚料客人自己亂煮, 唔識搞整到成 pat 屎分分鐘仲唱返轉頭, 話你啲嘢唔掂添.

極上牛肉套餐 ( 唔計兩個湯 ) 6 道菜.  < 極上 > 除咗 < 質素 > 原來亦代表 < 食物份量 >, 食完頭盤同魚生已經飽咗 7 成.

三人份嗰盆牛一共 9 片, 每片 25cm x 25cm 😅 !  秘製醬汁煮牛肉至 5 成熟, 再粘打好嘅生雞蛋吃, 香嫩滑, 人間極品, 記憶中最美味 sukiyaki 之一.

蔬菜幫助消化, 不過我身體構造奇特, 愈食得多, 反而愈去唔出 !  所以之後嚟嗰啲菇, 筍, 菜, 鮮豆腐, 炸豆腐, 大葱 etc. 都唔敢吃.

學到嘢 : 尾聲飽到反白眼之際, 睇住後生女整滑蛋飯.  哈 ~  終於領略固中竅妙, 原來係先煮好汁, 之後放蛋落去慢慢搞熟嘅, 唔係喺蛋上加汁, no wonder 香港日本餐廳啲滑蛋咁嚡 lu......  買支 < 今半 > 秘製汁, 試吓自己得唔得整番咁滑先 😏

迷幻東京

東京旅友比較特別, 非常抗拒排隊, 所以要排隊入場嘅景點, 一率 OUT !

但有個新地方 TeamLab Borderless 真係好想去, 聽聞而家好火, 起碼要排成粒鐘先入到, 唔理喇, 一於先斬後奏, 買飛先.

TeamLab 喺正 < 台場 摩天輪 > 下面, 但入口極為隱蔽, 並冇明顯指示, 兜嚟兜去, 走咗好多冤枉路, 最後夾硬穿過人哋停車場先找到.  好彩啱啱開門時間尚早, 前面只有大約 50 人, 排唔夠 10 分鐘就入到, 可以接受. 

好奇怪點解咁多人帶細路嚟, 佢哋咁細, 識睇咩 ?

Animals of Flowers, Symbolic Lives

因為午飯將會食壽司放題, 所以我哋諗住留肚冇吃早餐. 好彩咋, 如果唔係, 真係嘔硬.  

10 萬呎光影迷宮, HD 超級投影, 天地牆唔係啲天花亂墜不斷移動嘅圖案, 就係超反光鏡面無限反射, 行咗陣已經頭暈眼花, 不過講真, 好佩服成件事嘅構思同神奇互動投影科技, 超級厲害 !

Universe of water particles

參觀咗大約一個鐘, 正當我 O 咀狂影, 心情非常澎湃之際, 眼尾梢到隻大陸馬 poker face 呆立一旁.  

My god, 千祈唔好同我講頂唔順想嘔呀 !  後尾佢話冇想嘔, 只係覺得餓. 頂佢, 男人之家餓吓都唔得, 冇鬼用 !

The Haze

Forest of Resonating Lamps

去 TeamLab, 記得就算唔著防滑鞋, 至少都要揀對唔冼嘅, 因為好多地方都好冼, 有時地勢仲會起伏不定.

有以下情況咪去 :
夜盲 / 立體感弱 / 平衡力差 / 易暈浪 / 太餓 / 太飽 / 醉酒 / hangover / 討厭細路

Floating Resonating Spheres

日本小朋友唔好惹, 我就喺綠色氣球地方, 差啲比條細路頂頭鎚撞爆光.

The way of the sea in the Memory of Typography

行到一個如果前面冇人, 根本唔識自己行番出去嘅迷幻景點, 比我偷聽到朋友細聲自言自語 : " 今次癩嘢喇..... " 😂😂   太好笑.

The Infinite Crystal Universe

搵咗好耐都搵唔到最想睇嘅 Infinite Crystal Universe, 最後關頭, 正當想放棄之際, 哎吔比我哋鏢到尾會.

呢個 LED installation 實在靚到令人尖叫, 萬千星輝, 閃耀光華, 身在其中簡直有掉進銀河嘅感覺.

見隻馬餓到暈, 算喇走人. 出閘回頭一望, 幾百人排到出馬路, 睇個勢, 隊尾冇 1.5 個鐘都排唔到入去, 好彩我哋夠早嚟啫.

真是那麼不滿嗎 ?

今次東京之旅事前籌備不敢怠慢, 因為知道同行有位人兄極度討厭排隊. 可惜東京食好西就係要排隊, 唔想排, 唯有去可以預先 book 嘅餐廳啦.

好有氣勢的門面

有人請唔留手, 訂啲平時打死都一定唔會去嘅貴地方, 例如呢間經典鐵板燒.  餐廳喺酒店過兩條街, 好方便, 去到門口有種好莊嚴肅穆嘅感覺, 行嗰幾級紅地毯樓梯時, 竟然有上差館嘅幻覺.

入面裝潢充滿 art nouveau 法式風格, 簡直時光倒流, 杯碟餐具都係一流貨色, 求其唔小心打爛隻分分鐘已經係成個 set 嘅價錢.

鐵板大廚

 
我哋坐喺鐵板燒 main room, 同好多人圍住馬蹄形嘅大枱, 排排坐一齊食.自從上年聖誕飽到而家, 只係點咗和牛同蒜頭炒飯.   

同行兩位人兄, 唔知係唔識睇定係懶睇餐牌, 叫我揸主意, 咁就點兩個唔同嘅 set 佢哋吃啦.  

有鮑魚咀的鮑魚

初頭好地地, 後尾見隔離燒鮑魚, 就開始發巔 !  眼礪礪咁話 serve 我哋個師傅好流, 冇切走個鮑魚咀就上碟.  心諗, 痴孖根, 鬧乜 7 啫, 唔 L 咬個鮑魚咀咪得囉 !

自此之後, 師傅根本做乜佢都睇唔順超, 成晚口噏噏鬧人.  問佢有乜唔滿意, 佢話上海食嗰啲正宗鐵板燒, 都唔係咁搞 !

Sorry sir, I beg your pardon, 上海正宗鐵板燒 ?!   真係笑死, 喺日本東京銀座鐵板燒殿堂, 話人啲嘢唔夠正宗 😂😂😂 ?  呢個 comment, 簡直將 < 不知所謂 > 發揮到淋漓盡致 !

一打七嘅牛

蒜頭炒飯正

見佢咁嘅樣真係好想快啲完, 終於捱到尾二度菜 : 頂級牛肉.  因為我碟牛實在大多, 所以分咗半比佢哋食.

食落口又有嘢講, 話我碟牛有牛味, 佢碟冇喎.  呵 ~ 今次又錯唔晒喎, 你知嗎你個餐六個餸 29000 yen, 我一塊牛都係 29000 yen, 咁嘅價錢都冇牛味, 真係要打 L 7 啦 !

東京私房一腳踢

以前隻馬夠眼光, 嫁到個識於微時, 但漸漸變為誇國公司 CEO 嘅老公, 而家身在東京享夫福, 講咗好多次去搵佢, 今年終於成事.

餐廳喺個騎樓底

舊馬提議食法國菜, 好呀, 因為聽聞日本嘅法國菜, 分分鐘追得上法國本土, 我都好想試吓.  

今次去咗佢屋企 ( Shoto 松濤 ) 附近, 一間外貌簡陋嘅法國私房菜, 目測成間嘢加埋不多於 5 百呎, 廚師自己一腳踢, 喺個唔夠 30 呎嘅 open kitchen 煮好西.

open kitchen 麻雀雖小五藏俱全

日本人廚師當年法國學藝, 除咗講得一口流利法語, 仲有狩獵牌, 野外捕獲不少珍禽異獸比知音分享, 好榮幸我有份.

餐廳一角  ( 唔好以為冇客, 係我哋磨爛蓆搞到成點鐘, 啲人食完走晒啫 😁)

極鮮甜大蜆 + 竹筍 ( 隻馬將啲汁當湯飲, 勁 ! 果然係 CEO 老婆 )

收到風有北海道熊肉, 當然唔放過, 原來係 < 熊 sausage > 加 < 熊熏蹄配椰菜 >, 濃烈又惹味, 對見慣大 ( 陸 ) 場面嘅我 😂, 完全冇難度.

熊人指甲

廚師似乎相當 impressed 有女人食呢度菜, 百忙中走嚟吹咗陣, 跟住仲送咗隻熊人指甲我留念.  唉吔, 攞落手感覺有啲恐怖, 直頭有股寒氣喺背脊滲出嚟, 不過返到酒店又冇事, 仲瞓得好好添.

食完 bear 輪到 deer. 

呢個紅酒鹿肉有肉筋嘅, 牛𦟌 feel, 好食到不得了, 不過份量實在巨得驚人, 如果我兩日冇食嘢應該可以食晒, 可惜今次剩咗好多.

鹿肉

食完呢餐, 我唔敢再話自己做嘢辛苦喇.  因為見廚師由接電話 / 落單 / 煮菜 / 斟酒 / 上菜 / 整甜品 / 煮咖啡 / 執枱 / 洗碗 / 清潔, 完全 one man band, 成晚自己一個騰嚟騰去, 根本未停過.

佢話開咗呢間餐廳廿幾年, 除咗好間中休息旅行, 其餘日子晚晚如是. 我問, 咁多年唔攰嘅咩 ? 佢話唔啦, 因為好鍾意煮好嘢人食, 呢個係佢 passion.

仙人跳

公司又話 cut budget, 但唔知點解啲意粉仍然可以密密嚟, 勞司動眾, 最慘每次我要跟足全程.

佢哋黑氣重, 見親冇好嘢, 上兩次同佢哋飛完都病一場. 好彩今趟冇, 但就見識咗好多嘢.

唔明點解佢攞 4 個 hand carry 上機囉 !

今次嚟嘅一男一女, 一高一矮 (195cm vs.150cm), 其貌不揚, 男嘅薯, 女就未老先衰, 電燈柱掛老鼠箱, 行出嚟成件事已經好搞笑.

聽聞女嘅上年比條佬飛咗, 嚟到亞洲叫春, 發老姣, 問我有冇試過搭飛機識到人, 我昆佢話緊係有啦, 幾條仔都喺機上溝番嚟添呀 😂   聽後佢咀角含春, 以為今次有着落, 成程不斷同啲陌生男人拋生藕.  睇見佢咁真係頭痛, 起雞皮同打冷震.

男嘅薯頭薯腦, 傻吓傻吓竟然搵到食 !  佢話喺北京一個人行行吓, 街上比兩個自稱英文教師嘅中年女人搭訕, 話想練好英語, 一齊去咗飲咖啡, 兩條女仲約佢夜晚再出嚟睇 theater, 好彩佢因為同我哋有飯局在先, 所以冇去. 

以為好威, 食飯嗰陣同我哋曬 < 艷遇 >, 結果比條大陸同事媽叉到佢飛起, 原來條友差一線就中咗 < 仙人跳 > 喇 !

< 仙人跳 > 係乜 ? 咪係廣東話嘅 < 捉黃腳雞 > 囉 ! 

據 Wiki, 中招人士特徵如下 ( 薯頭除咗浪漫, 其餘條件完全 bingo 💪 ) :