🐀 時晨到

YES 💪 終於等到.

期待以久嘅日子, 終於降臨.

運番🐀去 Japan

 

條死 🐀 卒之比天收, 過唔到年 💥💥

總部燉 🐀 冬菇, 日前 call 齊全亞太所有 staff, 開 VC 宣佈佢二月一號正式離任, 調去日本韓國 " 守水塘 ".  同事啲啲愕然反應都冇, of course 啦, 條友咁賤咁廢, 就算唔炒, 燉佢都只係遲早事.  

VC 散場聽到 office 歡笑聲此起彼落, 就知啲人幾乸咁憎佢.  我哋幾個知道晒 🐀 啲衰嘢嘅 team heads 梗係立即熄機拉隊去 happy hour 慶祝 🎉, 一路飲一路抵撚佢死 !  大家都等咗呢日好耐, 終於願望達成, 真係好開心, 好興奮, 好涼快.

其實早幾個星期總部同事已經暗示 🐀 將會被調走, 直至幾日前同風水師開會, 佢唔覺意爆响口 🐀 過完年就會返日本 - 消息終於得以證實 !  衝出房將天大喜訊告知部份同事, 佢哋笑我開心到直情眼泛淚光 😂    咁確實係堅開心嘛, 當晚狂喜瞓唔著, 因為份工嘅唯一缺失將會消失 !

有人歡喜有人愁, 邊個愁 ?  🐀 個 PA 囉, 接受唔到自己老闆咁失敗被放逐塞外邊疆, 話 HQ 冇人情味唔比時間 🐀.  我唔同意喎, 上任年半搞到兵荒馬亂, 上下員工士氣跌谷底, 生意毫無起色得個做字, 咁即係撈唔掂囉, 仲要再畀機會佢繼續去搞衰個品牌 ?! 

咁貴請條 CEO 係用嚟幫公司做生意賺錢, 唔係比佢濫權 ! 自把自為 ! 勞師動眾狂洗冤枉錢 ! 畀條女唆擺迫走晒跑到數嘅同事 ! 扣晒我哋啲人工 ! 唔熟中國市場又自以為是學人擺款, 得罪晒大陸啲 landlord ( 呢條係終極死罪 ) !

聽罷, PA 啞口無言.

呢個打小人 app 好快可退役了

個樣又醜間房又臭著衫又核突, 份人小器乞人憎, 成日覺得啲 staff 偷懶搵著數.   

背住老婆同條女 ( 自己隻馬 ) 公然出雙入對, 去沙灘游水亂搞男女關係.  

開口埋口話自己 Harvard MBA, 開會好 Q 寸話佢講嘢我哋未必明, 因為我哋唔係 MBA, xyz@# !  後尾比人起底, 原來只係讀咗個兩個月嘅 short course, 自吹自擂認屎認屁, 不知所謂垃撚圾 !

🐀 已經進入末日倒數, 多得佢嘅 " 德政 " 我農曆年前後仲有大把 annual leave 同 NPL 要放, 咪駛旨意我會返 office 同佢 farewell 囉.

宅度假原來都 ok 喎

成世人冇嘢敢認叻, 除咗 [ 先見之明 ] 同 [ 自知之明 ] 呢兩樣.

早於第四波未爆發前, 直覺話我知政府班驕傲, 懶得戚, 完全唔知個 [ 醜 ] 字點寫嘅垃圾, 一定會陀衰家再出事 !  果然不出所料, 十一月疫情一發不可收拾, 成個聖誕新年同而家嚟緊農曆年, 都比啲 extend extend 再 extend, 愈限愈爆嘅 " 限聚令 " KO 哂.

發霉拉篋

因有 [ 先見之明 ], 上年十月尾已經走去預訂酒店, 打個底, 就算一月生日嗰陣有乜限聚禁足唔可以出街食飯慶祝, 至少可以叫外賣爆房閂埋門食.  結果真係限聚無了期, 造就咗呢個 staycation.

實在太耐冇執行李, 望住個封晒塵嘅篋打咗個冷震, 感覺熟悉又陌生.  停飛一年執篋功力退步不少, 揦手唔成勢比正常用多咗 10 分鐘, 去到酒店房打開竟然仲發現執漏嘢, 好彩住一晚啫.

雖然訂嘅唔係維港海景房, 但對住半山豪宅同周圍翠綠山巒, 唔錯啦, 吸吓啲貴氣都好, 加上酒店 upgrade 咗個 80m2 房比我, 一條友住夠晒 lu.

窗外景致, 都唔係好差啫 😂

露體狂至愛

 

 

 

最殺食係浴室, 90 度角落地大窗開揚景觀地方闊落, 幾條友坐喺窗台傾偈飲嘢都唔覺迫狹.  個浴缸好寸咁坐正房中間, 本身唔係浸浴 fans, 但咁嘅配套, 唔整番個泡泡浴嘆吓香檳都唔係人啦.

好爽呢

酒店唯一嘅餐廳大裝修冇 room service 大條道理叫外賣, 問過職員, 只要外賣員送食物到大堂時講出房間號碼, 職員就會幫手送上房.  掂, 一於叫雞 ! 

叫 PMQ 某一星法國餐廳 [ 本地黃雞 ] 外賣套餐, 佢隻 [ 黃雞 ] 稱得上係極品, 之前去餐廳食過 N 次, 諗起都流口水.  而家外賣冇即場咁好食就梗㗎喇, 但會唔會好差呢 ?

拍得好差 ! 真身比照片靚十萬九千倍 !

答案係 : 唔會 !

失真率少於 10%, 係非常可以接受嘅 level, 隻雞經過長途跋涉, 加上運送途中嘅顛簸, 都依然保持狀態, 鬼咁香同惹味, on side 嘅新瀉米飯簡直一流, 個個食到停唔到口. 

餐廳仲送咗 6 隻生蠔, 可惜冇人領情只得我一個人食, 仲因為唔好浪費嘅關係食足 3 隻.  其實生蠔, 我都係麻麻㗎咋 😅

做 See-yeah 吧啦

今日靈感到, 嚟個短嘅.

話說年多前啱啱 join 公司嗰陣, 發現老鼠個 PA 英文非常了得, 唔係反話.  熟落後, 除咗知佢喺加拿大住過好多年外, 原來香港公司舊老闆 ( 即老鼠前 3 世 ) 對佢非常好, 知佢對法律有興趣, 直頭出公數 sponsor 佢喺 HKU 讀咗 3 年 Law.

End up 畢業後點解冇攞正牌做律師 ? 唔知呢, 人各有志, 呢啲唔方便追問, 同埋聽咗得啖笑, 讀 Law 之嘛, 大有人在啦.

數月後公司 paralegal 劈炮唔撈, PA 突然好緊張叫我千祈唔好同人講佢讀過 Law, 話其實連現任兩個老闆都唔知.  心諗, 駛乜誇張成咁呀, 搞到好似有奸情唔見得光.  後尾睇穿原來佢係怕蝕底, 新人未到之前費事人煩佢走去問佢攞 legal advice.

呢壇無謂嘢好快忘記得一乾二淨, 點知一個月前 PA 又激動嚟料.

今次成個 tone 唔同晒喇, 點解 ?  因為公司宣佈遷都 : 要將 regional office 從香港搬去上海, 對佢有乜影響 ? 即係佢時晨到要起身囉, 唔通公司會咁豪比個 expat package 送佢同佢老公上去咩 ? 喺大陸再請過個新 PA 話咁易啦.

𢱑住 HR 問人要唔要自己個 updated CV, 話公司 record 已經係十幾年前入職嗰陣嘅版本, 而家有好多新技能未加上去.  哈 ~ 為咗保命, 連保守多年嘅極密 ( 用咗公司錢讀 Law 但冇回饋同貢獻番出嚟 ) 都要爆.  

仲話要快啲開番個 Linkedin account.  吓, 想點呀 ? 想 headhunter hunt 你去律師樓做 partner ?

力挽狂瀾都唔係個個掂架, 算了吧. 

劈爆中午

金鐘 poolside lunch 好 happy

聖誕 --> 農曆年差不多兩個月, 夾住自己生日, 正常係夜夜笙歌全盛期.  年年如是, 點知今年疫情 6pm 就冇得堂食, 劈酒飯局變晒劈 lunch, 日光日白 4 點未夠已經劈爆晒, 加上天氣嚴寒晚黑八九點就躝上床, 過住日短夜長嘅生活.

雖則係爆, 但 technically 其實未冧, 所以周圍啲人講嘢都可以聽得入耳.  分享吓兩段喺相隔一個星期, 同同一個人 ( 同事 ) 劈酒午飯嘅談話, 好彩飲咗酒反應慢, 如果唔係實小爆咗佢 :

Lunch #1  

條友一日到黑想轉工, 話 ( 同老鼠不歡而散 ) 舊阿姐 whatsapp 問佢有冇興趣過檔.  乜品牌先 ?  點知係間大陸人 own 嘅法國四五線 multi-brand 😵  我叫佢唔好去, 無謂搞到自己個 CV cheap 晒, 同埋間嘢強國人揸旗個 bor, 又話唔鍾意大陸要搞 BNO 移民 ?!

http://shirliek.blogspot.com/2020/12/blog-post_19.html

諸多辯駁, 繼續同佢拗簡直嘥氣, 30 秒後立即改口風叫佢不如去見吓, 睇吓點囉.  同事當堂笑晒. 

哦, 原來係我 get 錯咗, 人哋根本唔係攞意見, 只係想搵人去認同佢嘅己見啫.

Lunch #2

一個禮拜過後同事話傾唔成, 錢講唔掂數. 

覺得人哋大陸佬出得起, 吊高嚟賣, 現役 senior manager 去 " 降呢 " 一級見 manager 位, 無非想做少啲, 但錢又想要多啲喎, 獅子開大口嗌現有人工再高 20%, 請問係乜邏輯 ?

我話咁嘅時勢加 20% 好似高咗啲, 佢老馮咁話轉得工都預咗要加 20% 啦, 同埋唔知人哋係咪比 13 個月糧喎...... 唔係吖嘛, 見工嗰陣唔識問清楚 HR 咩 ? 佢答 : 冇呀 😮

比如間公司原本諗住出 $50,000 請個 manager, 如果要 match 呢位 candidate 而家攞緊嘅 $80,000 + 20%, 咁咪要成九皮幾, 等如 budget 咗嘅 double ? 比你係老闆你制唔制吔 ?  戇居 !