N 年冇去西貢了, 對上一次好似係 2007, 14 年前. 尋日放假, 朋友咁橋都放, 提議一齊入西貢走轉, 遊車河順便食個 lunch, 太好了.
白沙灣岸邊 The Pier 酒店有間日本菜, check 過 menu 仲有 wines 添, 啱晒我.
風和日麗, 對住藍天碧海食 A5 和牛壽喜燒, 一人吹支法國白酒 ( friend 唔飲酒 ), 自己都覺得自己相當識歎 !
 |
| 餐廳外面個景靚到以為自己喺 Sydney |
正當諗緊呢個地方都幾遠離煩囂, 但市區揸車入嚟又唔駛好耐可以做 long lunch 偷情聖地之際, 經理突然搭訕, 話我哋嚟得合時, 因星期六日西貢會淪陷, 而間餐廳亦會逼滿一家大細.
哇, 最憎食嘢啲𡃁仔喺旁邊叫同跑嚟跑去, 如果撞到我實行一嘢打爆佢 !
我頂, 低密度設計有啲睇頭喎, 原來香港都有咁嘅好地方, 不過海景房都唔平 $2000 起跳, 酒店大堂成條隊等 check-in 全部都係一 pair pair, 而家啲後生仔真有錢.
 |
| 酒店海景房就係望呢個景 |
記得今年五月十七新工第一日 welcome lunch, 同事話尖東返工好正, 當刻嗤之以鼻, 心裡暗自嫌棄...... 尖東自從 90 年代完全冇發展過, 所有地方都好似時光停留咁, 殘爆.
不經不覺做咗差不多半年, 公司 office 下禮拜就會搬去鰂魚涌, 突然臨別依依.
搬遷進入最後倒數, capture 咗幾樣覺得幾有記念價值嘅事物, 喺度比自己同大家留念分享.
 | ||
| 1. [ 紅磡過海隧道天橋賣蜜糖老伯伯 ] - 目測阿伯至少有 90 歲, 啲蜜糖賣成百幾兩百蚊樽有啲貴, 不過耐唔耐都會幫趁吓, 等佢有生意. 伯伯好早開工, 每朝大約 9:00am 就收檔拉車仔回航返新界. |
 | |
| 2. [ 紅隧尖東接駁行人天橋 ] - 未返呢份工前成世人行唔超過 10 次, 而家日日行, 有瓦遮頭唔駛日曬雨淋, ok 啦. | |
 |
| 3. [ 落橋位尖東小食街 ] - 掃街聖地, 主打邪惡街頭小食, 星期五六入夜人山人海, 不過我不常吃, 太炸了 😂. |
 | |
| 4. [ 新文華中心 ] - 永遠的迷思, 又殘又舊, 表面死城內裡蠱蠱惑惑暗藏玄機, 部白金升降機仲行到㗎 ! " 🎵 現我像乘坐白金升降機, 直上頂尖地 🎵 " ( Miss Chan Chan 名曲 😂 ) |
 |
| 5. [ 華懋廣場 尹先生 ] - 同事一致通過, 最想念人物將會係管理員尹先生, 友善, 有 heart, 專業, 佢直情可以頂替劉華拍 " 2021 今時今日服務態度 " 廣告. |
 |
| 6. [ 小甜甜像 ] - 電梯大堂韓國藝術家卡通化作品, 好過掛大大張小甜甜遺照嘅 😅. 成幢大廈確實有啲怪, 唔知係咪同種生機有關, 喺華懋咁多個場, 華懋廣場最多, 有 3 個 ! 記得第一日開工天旋地轉, 返到屋企頭痛咗成晚. Office 四面單邊但陽光入唔到屋, 氣氛永遠渾渾鈍鈍. |
至最令我心服口服一次, 係 [ 舊同事 ] 同佢個 5 歲仔去另一同事屋企玩, 因為同場有其他小朋友, 仔仔玩到失控發晒癲, 高八度不停叫, 擒嚟擒去四圍跑 ! 如果我係老母, 實行一踭批到佢立即坐定定收聲, 正當幻想虐兒畫面之際, 身旁忽然傳嚟 [ 舊同事 ] 一把非常柔弱而帶有懇求語調嘅聲音 : " Jxxxx ( 仔仔英文名 ), 你可唔可以唔好咁大聲......"
吓...... 勸戒形式 ? 個仔當佢透明照跑照跳, 直至屋主都睇唔過眼大暍一聲, 條友先停到落嚟. 香港而家咁多公主病小學雞, 真係多得呢類老母, 縱容子女. 此事之後, 我 certify 咗 [ 舊同事 ] 係個冇情緒嘅活佛, 最近仲轉埋食全齋添, 真正活佛顯靈.
大半年後嘅尋日, 同 [ 舊同事 ] hotpot lunch 聚舊, 佢竟然發火投訴公司啲人點密集地 [ 恰 ] 同 [ 屈 ] 自己, 話成世人未試過咁嬲, 覺得自己開始焦慮, 講嗰陣見佢真係嬲到震震吓 ( 當刻, 一生人第一次體會同目擊乜嘢叫佛都有火 ). 問佢有冇同老公傾過, 原來老公都叫佢擗炮, 係囉, 咁落去唔係路, 傷身, 如果冇經濟壓力都係儘早閃吧, 因為呢啲 [ 恰 ] 同 [ 屈 ] 情況只會變本加厲.
估吓跟住落嚟我聽到乜 ? 就係 : 但係, 但係, 但係, 好多但係. 但係...... 如果我辭職, 老板咪好慘 ? 但係...... 如果我走咗, 啲嘢會冇人做, 佢哋好慘個喎......
真係慈悲心腸, 俾人蹧質, 辭職都仲同嗰啲 pk 擔心咁多.
