秋遊遊

N 年冇去西貢了, 對上一次好似係 2007, 14 年前.  尋日放假, 朋友咁橋都放, 提議一齊入西貢走轉, 遊車河順便食個 lunch, 太好了.

白沙灣岸邊 The Pier 酒店有間日本菜, check 過 menu 仲有 wines 添, 啱晒我.  

 

風和日麗, 對住藍天碧海食 A5 和牛壽喜燒, 一人吹支法國白酒 ( friend 唔飲酒 ), 自己都覺得自己相當識歎 !  

餐廳外面個景靚到以為自己喺 Sydney

 

 

 

 

 

 正當諗緊呢個地方都幾遠離煩囂, 但市區揸車入嚟又唔駛好耐可以做 long lunch 偷情聖地之際, 經理突然搭訕, 話我哋嚟得合時, 因星期六日西貢會淪陷, 而間餐廳亦會逼滿一家大細.   

哇, 最憎食嘢啲𡃁仔喺旁邊叫同跑嚟跑去, 如果撞到我實行一嘢打爆佢 !

食飽飽已經差不多 4 點, 聽聞西貢仲有間新WM 酒店, 揸去八吓先.  

我頂, 低密度設計有啲睇頭喎, 原來香港都有咁嘅好地方, 不過海景房都唔平 $2000 起跳, 酒店大堂成條隊等 check-in 全部都係一 pair pair, 而家啲後生仔真有錢.

 

酒店海景房就係望呢個景