Horsey is fun: 2025

2025年12月21日星期日

香港桃花源

十二月, 香港天氣終於涼, 本地游時間又到了.

有 design theme 嘅 lift lobby

昨天, 冬至前夕, 港島南部半日行, 首先喺港大醫學院 7/F 重開嘅 "壹八捌七" 餐廳 https://www.the1887dining.com/ 食個靚 lunch 先, 話就話員工餐廳, 只限醫學院同瑪麗醫院教職員學生, 但唔知點解我又 book 到, 可能 weekend 少人, 放生啲街客掛......

有 design theme 嘅餐廳 (有客人嘅, 我避開唔影啫)

食嘅係午市二人套餐 :

3 籠點心 + 例湯 + 1 主菜 + 1 飯/麵, 都係 130 蚊位.

唔可以話抵到爛, 但計埋戶外海景, 場地私隱度, 員工良好服務態度, 食物水準, 成件事就變得相當超值了 !

嗰度唯一缺點, 就係冇酒飲, 咁當然我都早有準備, BYO 啦.

薄鳧林牧場平面圖

食完節目就係跟團 😆, 參加 2.5 小時嘅 "薄扶林文化地境導賞".

參觀 4 個景點 : 薄鳧林牧場 --> 薄扶林村 --> 牛奶公司牧場遺跡 --> 香港大學 U Hall 大學堂.

講過一萬次, 以前殖民地嘅一事一物真係好靚, 包括呢個 "薄鳧林牧場高級職員宿舍", 唔明點解家陣要對啲殖民地事物格殺無論, 監生淘汰囉 !

薄扶林村

參觀完牧場, 過馬路去對面 "薄扶林村", 其實 30 幾年前 (1993) 同老外同事去過, 因為佢教我影相, 除咗呢條村仲去埋鯉魚門村添, 不過而家條鯉魚門村俾人拆晒啦 !

導賞員係薄扶林村村民, 親述村嘅歷史由來, 村民生活點滴, 一向專注力缺乏嘅我, 聽足成粒鐘竟然都冇魂遊太虛, 實屬奇景 !

搭棚中嘅 U Hall . 敏感 topic

壓軸出場 "大學堂" University Hall, 法定古蹟, 現為港大男生宿舍, 平常不對外開放, 今次由 Year 5 學生同我哋開心 share 佢哋生活軼事, 大學堂內部傳統 / 傳說, 機會難能可貴.

呢啲氛圍, 亞洲真係 HKU 先做到, 唔怪得咁多天龍人衝嚟讀 😡😡😡

2025年11月16日星期日

不知者不怪 ?

肉醬意粉不要又牛又豬 . 要求係咪有啲堅離地 ?

原本打算寫另一題目, 點知今朝上 youtube 睇鬼王 '潘聰', 佢喺節目尾聲嘅一番話觸動到我神經, 所以要打尖小吓 !

事緣鬼王一行人喺 MK 某街坊手工意粉店開餐, 叫咗個 [肉醬意粉], 餐廳做法係將豬撈埋牛肉一齊落, 搞到唔食牛嘅 '潘聰' 得個睇字, 深深不忿向全港餐廳作出呼籲, 叫人將 [肉醬意粉] 嘅肉醬同意粉分開上, 等唔食牛嘅人有選擇 😂😂😂

不如下次又試吓 order [麻婆豆腐] 嗰陣, 叫人將啲肉碎同豆腐分開上; [魚香茄子] 就叫碟油炸茄子魚香醬另上, 睇吓廚師會唔會擸刀喺廚房衝出嚟斬你 ?!

真正 ragù alla bolognese

佢同事仲騎呢, 話覺得闊條麵同肉醬唔係咁夾, 廚師落 spaghetti 煮會好食啲 😂😂😂 其實豬肉 + 牛肉 + 闊條麵先係 [肉醬意粉] 意大利正宗做法, 根本係班友自己唔識嘢井底蛙啫 😤

唔好信字幕, '周洪賓' 喺度玩嘢講反話 😆

巧合地, 早幾日睇講講廣東話勁搞笑嘅意大利佬 Jacopo '周洪賓' https://www.youtube.com/watch?v=zX5n6_rUEto&t=222s 同老豆去新蒲崗茶記, 叫咗個乾炒黑椒牛肉意粉, 兩條友玩嘢用匙羹同叉食話係標準食法, 後尾 '周洪賓' 補充話如果佢哋喺意大利咁樣食, 應該連本 passport 都被人沒收埋 😂😂😂

不過我覺得 (非意大利) 外國人用匙羹同叉食意粉可以接受, 因唔係個個識單手攞隻叉去捲起啲麵條嚟食啦, 當年喺意國, 我都練習咗一段時間先掌握到呢個本領.

Jokes apart, 接近片尾 '周洪賓' 特別提及, 食意粉確實有一件事真係萬萬不能 : 用刀切碎 ! 哈, 正好係梁詠琪小姐 2013 年上電視節目 [May 姐有請] 親自示範嘅食法, 不過冇嘢嘅, 梁小姐咁有功力, 個醜字佢一向都唔知點寫㗎啦 ! https://shirliek.blogspot.com/2013/07/blog-post.html 正所謂...... 只要你唔尷尬. 尷尬嘅就係人哋.

2025年11月8日星期六

建築師房菜

前晚喺花墟樓上住宅大廈食私房菜 https://www.pestoandlab.com/, 同一般私房不同, 廚師同家人真係喺度住, 客人食到晚黑十點就要散水, 因廚師個 B 女夠鐘要返屋企瞓覺 😄

一個有細路住嘅屋企, 竟然可以咁整齊

廚師美國人, 建築師出身轉做煮餸, serve "Pescatarian" (食魚同海鮮唔食肉) 餐牌.

同一般美國佬不同, 廚師好施文, 講嘢陰聲細氣, 介紹餐牌嗰陣, 真係要閉氣忍住唔呼吸先聽到佢講乜 😜

9 個人每人 7 度菜, 全部係喺個完全冇專業爐具嘅住家廚房出品, 廚師一條友又要煮菜又要洗碗, 都咪話唔厲害.


AMUSE BOUCHE . 番茄味全精華 !

POACHED SMOKED OYSTER . 微熱嘅海藻生蠔配凍冰冰 oyster 雪糕, 新奇又好食 !

TUNA RYE . 吞拿魚生黑麥夾心鰹魚乾, 三重口感, 鮮味大爆發 !

SOURDOUGH & BUTTER

私房菜名物sourdough 酸面包, 新鮮出爐, 配搭黑莓味牛油, 酸酸甜甜超正 !

朋友講笑問廚師, 咁蚊型嘅廚房都出到咁大個包, 係咪真係自己整㗎 ? 😂 廚師又真夠幽默, 話個包其實喺樓下 Maria's (超群餅店) 買嘅 😂😂😂

CHESTNUT BISQUE . 栗子洋蔥濃湯啱晒秋天飲, 面頭塊炭燒威化會唔會靚得太過份呢 ?!

飲飽食醉, 席上各人都非常享受同欣賞整個用餐體驗, 個個都同廚師抄定牌. 食物方面, 無論味道同賣相都係我香港食私房菜, 暫時覺得至出色嘅 ! 今次食嘅係 Autumn Menu, 等佢一轉季, 一定會立即 book 枱再吃 💪💪💪

ROASTED SWORDFISH . 烤劍魚, 配搭濃醬汁蘿蔔蘋果蓉, so yummy !

S'MORES . 綿花糖可可夾餅甜品, 口感輕型, 食完 0 罪惡感 !

2025年11月2日星期日

連尾燈都見唔到

十月飛埋上海呢轉, 今年自費 travel 應該收爐了 ( 莫財啦 😂 ).

繼陽澄湖大閘蟹, 其實上海 trip 仲有件特別事想分享, 點知近期公司突然接到幾單新嘢冧晒檔, 等到而家先可以定神坐低寫個 blog.

想講嘅係, 每次去大陸, 雖然都遇到啲令到人勁反白眼嘅騎呢人 - 事 - 物, 但相比之下, 覺得而家嘅香港, 其實落後過人哋好多, 就連圖書館都輸人幾條街.

香港中央圖書館 💩

香港建築 [代表作] : 銅鑼灣中央圖書館, 一個超 '娘' 嘅設計, 一舊超肉酸, 令人慘不忍睹嘅垃圾 ! 由起好嗰秒我就睇佢唔順眼, 無論內在同外觀都徹底地醜, 顏色 - 物料 - 燈光 - 比例都完全錯晒.

啲風水神棍仲成日吹噓中央圖書館外形似官印, 住喺附近對住就會升官發財, diu ~ 我屋企夠望住下面成個火炭工業區, 啲廠夠係幾十百舊官印啦, 發條毛 😂😂 !

徐家匯書院大堂

我係早起鳥, 喺上海趁 friend 仲瞓緊, 加個快閃行程自己出街走走, 一人前參觀 [徐家匯書院] https://sphere-art.com/zh/architecture/363/%E5%BE%90%E5%AE%B6%E5%8C%AF%E6%9B%B8%E9%99%A2%E5%9C%A8Wutopia-Lab%E7%9A%84%E5%89%B5%E9%80%A0%E4%B8%8B%E6%BC%94%E6%B4%BB%E4%B8%8A%E6%B5%B7%E8%AE%93%E4%BA%BA%E5%8B%95%E5%AE%B9%E7%9A%84%E9%AD%94%E6%B3%95

徐家匯大教堂

書院其實係間社區圖書館, 設計極美, 向旁邊嘅徐家匯大教堂致敬, 入到地面書院大堂不禁 '哇' 咗聲, OMG 真係好靚呀 😍😍😍

成件事非常之有格調, 後尾先 find out 原來係大師設計, 唔怪得咁型啦.

走上樓上各層𥄫吓, 設計簡潔明亮以人為用, 巨型落地玻璃大窗將徐家匯大教堂周邊綠油油景緻帶到室內, 身處當下, 突然覺得自己都好似好有氣質咁 😂.

仲發現四樓有海量雜誌免費睇 👍 下次公幹, meeting 同 meeting 之間有空檔嘅話, 唔駛再周街行行到腳軟, 徐家匯書院絕對喺我 '攝' 時間嘅好地方, 整個保溫壺裝啲酒一路飲一路睇, 沉澱吓, 感染一吓啲書卷氣 😆😆😆, 人生樂事 !

講到圖書館超級打咭位 : 當然係兩層樓高, 用 3D 打印, 靚到飛街嘅透明 '牌樓' 莫屬 ! 望住, 真係....... high 到唔識講.

2025年10月20日星期一

陽澄湖大閘蟹

近年傳說香港賣嘅陽澄湖大閘蟹, 99% 都係冒牌貨, 今年有幸真人去陽澄湖親身食. 由上海市揸車要差不多兩個鐘, 如果去到陽澄湖, 都係食啲由外邊運入去嘅冒牌蟹, 咁就真係無話可說.

出發前充滿遐思, 幻想喺陽澄湖, 泛泛湖水上食大閘蟹嘅場景, 幾浪漫呀 !

哈哈哈哈 ~ 原來自己諗多咗, 陽澄湖大閘蟹餐廳根本就同香港西貢海鮮一樣, 全部喺岸上間間燈火通明, 同湖水 ? 離九丈幾遠啦 😂😂😂

原本打算白天去, 點知上海朋友話當地人食大閘蟹食夜晚個喎, 聽佢點啦, 點知去到餐廳, 同香港一樣, 吉嘅 ! 得我哋一枱客 😂

一場嚟到, 以為會勁嚓成枱都係蟹嘅 ' 全蟹宴 ' 啦, 原來冇呢件事, 除咗大閘蟹同蟹黃豆腐外, 其餘菜色都係非蟹類 ( 例如雞 . 菜 . 魚 . 雲吞 ), 不似預期......

我哋 4 人叫 6 隻大閘蟹, 餐廳全體員工由 5:30pm 到 8:30pm 三粒鐘集中火力招呼我哋一枱, 都只係賣得出 6 隻蟹, 加埋其餘食物埋單都唔駛 1000 人仔, 比着香港租咁貴, 執咗十次啦 !

不過啲蟹唔止味鮮, 直頭係清甜, 肉質爽口彈牙...... 係咪陽澄湖大閘蟹本身應有嘅氣質呢 ? 🤔

同埋, 今次特登喺香港帶咗支陳年清酒去, 目的係實驗當年考清酒侍酒師, 一條只可用 10 分鐘作答嘅試題 : 一個推廣 sake 的場景設計, 我嘅 '10 分鐘設計😂' 如下 :

時間 : 10 月. 秋季旁晚

地點 : 中國 . 陽澄湖

人物 : 日本客戶

食物 : 大閘蟹

清酒類別 : 陳年 10 以上

原因 : 陳年 sake 旨味濃厚同中國花彫口味相像, 能與蒸煮的大閘蟹鮮味配合, 且 sake 又可給予身在外地嘅日本客戶家的味道, 亦可借機會展示日本酒與中國食材的契合度, bla bla bla.......

9 吹到自己都覺得浮誇, 點知考官又俾高分喎 😆 好, 咁就趁今次去陽澄湖真人實踐吓.

超 ! 實驗完, 發覺原來陳年清酒同大閘蟹唔夾嘅 😂😂😂😂😂😂😂😂😂😂😂😂😂😂😂

2025年10月7日星期二

羅馬巧驚驚 2.0

雖然我極之迷戀羅馬成日話正, 但諗深一層, 呢個地方其實相當重口味兼唔 user-friendly, 如果冇熟人帶住, 唔係人人頂得順.

今次去仲撞啱一天突發大罷工, 所有公共事務包括公車全部停, 打亂晒我啲行程, 嬲 😡 同香港 T8 一樣, 唔係完全冇生路行嘅...... 俾錢咪有囉 😆😆 好奇 check 吓 uber, 同路線收 double 仲要大把人 call, 一車難求 !

之前因為要俾 $ 而唔入嘅 museum --> 今次終於入到 !

倫敦 non-stop 行足幾日對腳變半傷殘, 喺羅馬不想再努力了, 但又不甘呆坐一日, 深深不忿之下最終都係出擊周圍𥄫吓.

其實已經唔行得郁, 慢慢移動之際, 驚覺平時要收錢嘅博物館門戶大開 free entry ! 哈, 原來看門啲人罷工冇人管啲場變冇掩雞籠 😆😆😆, 遊客半信半疑唔敢入, 車 ~ 驚乜吖, 俾人嘈咪詐死扮唔識聽囉 !

不經不覺又行咗萬幾步, 好攰, 執好行李瞓瞓吓凌晨 4:26am 同步收到 CX sms + email, 話第日班機因香港颱風要延誤 7 粒鐘 (由原先 1:00pm 改到 8:45pm 起飛), 當堂醒晒成個人好 hyper, 反覆思考第日夠竟點消磨呢 7 粒鐘呢......?

既然 8:45pm 先飛, 朝早一於嘆慢板 hea 吓先.

CX 真陰濕, 原來喺 9:35am 再補發咗個 Special update 電郵, 叫乘客要依舊喺原本航班起飛前一個鐘 (即中午 12:00pm 前) 到機場 check-in !!!!!!!!!!!

Diu...... 冼我 ?!!!! 知道 delay 咁耐係人都會鬆懈啦, 鬼得閒成日 mon 住你啲電郵咩 ! 同埋咁重要嘅 message 點解唔 send 埋 sms ?

睇到個 email 通知已經10:45am 😨 直情嚇到 "bill 尿" 囉大佬, 羅馬市中心去機場起碼成 40-45 分鐘㗎 !

Call 的士冇的士, 最終 call uber (頂佢, 中途仲塞車添 !), 好彩最後都可以喺 12:00pm deadline 前 6 分鐘 11:54am 趕到, 真險 ! 落車轆住兩篋行李狂奔 CX check-in counter, 成個瘋婦咁 😡😡😡😡😡😡😡😡 (不過喺羅馬機場狂奔, 又唔係第一次嘅 😂😂😂😂 shirliek.blogspot.com/2017/12/cx.html)