唔叻又要認叻

身邊愈嚟愈多人鍾意認叻, 尤其係啲 80 / 90 後. 之前聽到一笑置知, 不過近來實在嚟得太密集, 太濫, 有須要寫吓.

我認為 < 叻 > , 唔係自己周圍去同人講嘅, 係應該被人覺得的. 

< 叻 > 原本係被動嘅 adjective, 但而家啲後生就將佢當成一個 noun (自己 = 叻), 開口埋口話自己點叻點叻, 最弊係我見你一啲唔叻先攞膽.

最討厭人扮識飲酒, 喋喋不休發表偉論, 曬自己飲乜飲乜, 但又連酒莊名都讀錯喎.


有人成日強調自己好酒量, 查實 3 杯到肚已經面紅耳熱, 口齒不清講嘢仲要大大聲.  一起身就醉到笪番落地, 行都行唔到要人抬返屋企, 咁都叫做飲得 ?

去食好嘢嘅時候就認屎認屁, 話自己廚藝了得, 煮嘢都好叻, 但我見你連煎蛋都唔識, 搞到黐晒底喎.  同埋你帶返工嘅美食, 都係啲沙律烚菜 ju 喎, 何來廚藝 ?

話自己英文叻, 查實去英國留咗一年學咁耐, 滿口港式發音, 將 Nice 讀成 Lies.  咁我啲英文, 咪直頭係成本牛津字典 ?

唔明點解會睇到自己咁大, 我呢世人最叻只有得一樣, 就係 < 蛇王 > 😂😂

隱世餐廳

So "lo-lan-tic"

白色小屋

早幾個月, 無意中睇到個記念陳百強嘅特輯. 

其中一個 episode 私房菜飯局, 所有菜色都以 Danny 歌曲命名, 做得幾靚, 加上窗外大橋美景, 決心摷個地方出嚟. 

原來廚師大有來頭 (廚藝 + 背景), 汀九橋下, 沙灘上白色小屋, 咁 romantic 嘅格局, 香港實在冇乜.  地點相當隔涉, 但去過一次之後, 下次就會好易找到. 

同埋大家一致通過呢個係偷情勝地 😂😂😂, 話下次諗住去呢度幽會嘅話, 最好喺 group chat 單聲, 費事撞見尷尬. 

菜單

有人請唔客氣, pre-order 咗至多嘢食嘅 tasting menu, 其實都係千鬆啲一位, 價錢合理. 

廚師喺元朗有自己農場, 生果蔬菜都係自家種新鮮運到, 基本上所有菜色都喺 open kitchen 做, 全無做假, 整個過程任你睇, 最 like 就係食得出完全冇落我最怕嘅味精 / 芡汁.

Chef Margaret Xu

用怪 apps 影到啲食物變晒螢光色 😅

招牌菜 < 民窰黃土雞 > 果然不負所望, 皮脆肉嫩加埋個油爆老薑 dip, so surprisingly matching !  超級一流, 令人再番回味.  

但最估唔到, 就係 < 紅艷卡門 >, 即番茄蛋炒蟹 + 火焰 whiskey, 啲汁撈埋煲仔飯實在冇得輸, 我哋食完一碗又一碗. 

我唔吃嘅甜品 . 但聽聞好好食

除此之外, 極度欣賞用日本紫蘿蔔做嘅蘿蔔糕, 海膽紅菜頭豆腐花, 同墨汁墨魚腸. 

最最最最唔好意思, 係我哋班人講嘢粗聲粗氣, 太嘈 !  嘈親隔離枱對 couple, 好彩佢哋冇投訴.

食飽同廚師吹咗陣, 臨走抬頭一望, my god...... 剩係呢個汀九夜景, 已經值回票價.

一頸血食餐飯

一年一度馬術大賽, 貪慕虛榮, 諗住體驗吓上等人生活, 喺 EEM book 咗兩位食飯. 價錢, 應該係人生自己出錢最貴嗰次.

去完, 只得一個 conclusion : 下次咪搞, 有人請或者可以考慮. 

用叉飲嘅湯 😂

點解 ? 我覺得唔 luxury 囉, 服務又差, 啲 waitress 係臨時工, 個個處女下海, 根本不知西餐為何物, 乜都唔識做.

飲湯唔比匙羹, 客人問點飲, 竟然叫人用叉喎, 真係聞所未聞, 見所未見 !

Foie Gras 味道普通

個所謂經理 low end 到爆, 當住客人發皮四, 媽叉啲 waitress.  坐旁邊個鬼佬想飲白酒, 叫咗好耐冇人理, 咁啱經理行過, 順口叫佢攞杯囉, 佢竟然用質問語氣, 一句腯埋嚟 : " 你咪有白酒囉 ! "  真係火都嚟, 我話我幫人囉呀, 得唔得吖 ?  Delay 老味.

好腥的 fish

收咁多錢, 啲嘢完全唔係貴價食材, 味道同手藝只屬一般, 舊魚仲腥 tim, 全個 course 冇樣好食.

Petit Four

個所謂女廚神, 冇咁大個頭就咪戴咁大頂帽, 都係繼續同 " 檸檬 " 做 show 把啦.

不過最唔掂, 就係啲賓客, 一個二個都冇心睇馬嘅, 成個牌坊咁企晒喺度不停影相, 阻擋視線.  唉, 知你哋係明星港姐喇, 知你靚喇.

為所欲為

唔好以為呢幅係 P 圖, 呢個係百份百真實事件, 喺我 office.

問都唔問, 就揼咗自己張枱換部 treadmill ( 行路 / 跑步機 ) 一路做嘢一路行, 由朝到晚 skip lunch 行足 9 粒鐘, 為乜 ?  減肥喎 !   

算把啦, 如果日日行就可以激瘦, 點解仲有咁多肥差佬 ? 

同事其實年紀唔細, 好想勸佢咁行法簡直係自我燃燒, 遲早筋膜炎, 同埋第日風濕, 真係唔該佢唔好再賴 office 風水陣唔得囉.

IT 人提醒佢部機有好大陣𤓓味, 火牛有問題, 佢竟然詐聽唔到.  好吖, 希望快啲爆偈, 燒 Q 個 office 全部人都唔駛返 !

問 HR 點解老闆會批准同事咁搞, 咁我間房可唔可以都 setup 配合自己 lifestyle 嘅傢具, 例如 : 酒吧, 圓床.  HR 叫我自己去問老闆 😂😂😂

食完先有氣力減 ( 肥 )

通常去完意大利返嚟都會略為減磅, 因為行路多又唔係餐餐出街食.  不過今次例外, 因為有個唔只擔得抬得, 仲要食得又劈得嘅肥仔同行. 

惡性循環物以類聚, 有肥仔包底, 所以每餐都叫多幾碟, 乜都試吓, 愈吃愈多, 結果一個禮拜就食咗一個月先食到嘅份量, 屙又屙唔切, 搞到胃腩大過胸.

喺意大利失控係冇可避免, 嘢食平, 招呼又好, 雖然冇法國菜咁精緻, 但我就鍾意佢啲 service 夠 rough, 味道夠傳神.  加上今次冬天去, 有好多野味食 : 野鴨野兔鹿肉野豬, 又補又暖身, 開正我嗰範.

肥仔口味比我更重, 去到羅馬見到羊雜 ( Coratella ) 立即雙眼發光, 一路食一路大讚好味不特止, 食完仲發誓咁嘅樣, 話返香港一定要試煮 😆

同中國人一樣, 意大利人都好鍾意食牛肚, 我哋北到南   < 米蘭 - Florence - 羅馬 > 都試勻, 好無聊, 總部同事要求我哋作出排名 😂

牛肚 . 由上至下 Florence - Milan - Rome

我係牛肚控, 唔理點整, 總之係牛肚都覺得正, 但同肥仔相討後一致通過, 排名如下 :

1. Florence  (牛肚肥厚, 味道最香濃, 汁多, 食到鮮茄蔬菜)
2. Rome (牛肚較薄, 汁少, 茄味濃香)
3. Milan (牛肚肥厚, 味較淡)

FOOD LIST ( 食啲咁嘅嘢, 真係肥都抵 😜 )

DAY 1 - Lunch @ Gucci Osteria (Florence)

DAY 1 - Dinner @ Se.Sto in Arno (Florence)

DAY 2 - Lunch @ 4 Leoni (Florence)

DAY 2 - Dinner @ Parione (Florence)

DAY 3 - Dinner @ Il Santo Bevitore (Florence)

DAY 4 - Lunch @ Salsamenteria di Parma (Milan)

DAY 4 - Dinner @ Potafiori (Milan)

DAY 5 - Lunch @ Le Torri (Padova)

DAY 5 - Dinner @ Trattoria Baldini (Florence)

DAY 6 - Lunch @ Osteria Margutta (Rome)

DAY 6 - Dinner @ Pizzeria da Baffetto (Rome)

DAY 7 - Lunch @ Armando al Pantheon (Rome)

DAY 7 - Dinner @ Da Francesco (Rome)

Florence 奇幻天氣

Happy Year of PIG

今日大年初一, 祝大家身體健康, 🐖 籠入水, 發過 🐷

早兩日剛完成意大利之旅, 半公半私, 行程有啲趕, 如果唔係黐住農曆年, 一定留耐啲.  公幹主要目的係去意大利總部訓練新馬 (同事), 而我嘅身份, 基本上同馬伕一樣, 要 lead 住隻馬去唔同嘅倉, 見唔同嘅人, 唔得比佢四圍亂跑 😆

新同事昂藏六呎, 95kg 肥大身型力水夠, 全程爭住幫我攞行李, 最初有啲唔好意思, 但佢極力堅持, 話呢世人幫女人 (老婆同個女) 攞慣行李.  咁就好喇, shopping 終於唔駛留力, 可以儘情買多啲 😂😂 

到埗當日天色唔錯

同樣地, 呢個 trip, 我亦安排咗非一般嘅驚喜體驗 / 際遇比佢.  而且個天都益我哋, 喺 Florence 停留嘅幾天, 除咗燦爛雲彩, 仲見盡風雷雨雪.

到埗第一晚 (26 Jan), 見到呢個血紅嘅河畔日落倒影, 個心真係跳咗出嚟, 影像全無加工, 真實顏色比圖片更 intense 一倍, 好 L 浪漫, 可惜身旁只有一隻超磅肥馬 😜

血紅日落

第日 ( 27 Jan ) 天陰陰, 點咗隻馬去博物館, 自己就喺酒店 heah 咗成日, 跟住先出街食飯.

冰雹

食食吓澎澎聲, 望出窗, 出面落好大雨, 心諗仆街喇冇帶遮 ......   隻馬話唔緊要, 開多支再劈等雨停 😅  

吃完行出街發現頭先原來唔係落雨, 係落雹 !

啲雹有 5 ~ 10 mm 大, 因天氣冷冇溶, 攞上手凍冰冰好過癮.  對上見到落雹, 已經係 1996 年 lu ......  

28 Jan : 喺 office 做嘢壓力大, 放工飲到爆, 點知因為 jet-lag 唔生性, 第朝 ( 29 Jan )  4 點幾已經醒晒.  

" 眼光光等天光 " 就是這樣.  

好難先等到七點, 望出窗, 個天竟然一片深紫藍併 shocking red, 感覺震撼, 有啲天花亂墜, 幾廿歲人真係未見過咁靚嘅日出嘛 😍

血紅日出

30 Jan : 終於要離開 Florence 喇, 喺 farewell dinner 同意大利同事講好想見到雪, 佢哋話 Florence 落雪機會好微.  

呵, 點知第朝 9 點幾 ( 31 Jan ) 執行李時𥄫吓外面, 白朦朦一片飄雪, 仲要係大大片, 狂喜 !  忍唔住九秒九衝咗落街, 一路叫一路跳, 他媽的雪, 我嚟喇 !

Florence in snow