上禮拜連環出trip, 4 日跑 <上海 - 廣州 - 東莞 - 新加坡 - 馬來西亞> , 連weekend 都蝕埋.
同行 3 個外籍人士嘅所為, 真係完全 remind 我 of 2006 年嘅一個經歷!
當年同老闆及另外一條 "木咀" 去台北開會 . (點解係木咀? 因為佢明明係中國人, 香港出世, 之不過細個移民澳洲, 而家大咗 竟然話自己係鬼佬, 唔係中國人!) 搭的士到目的地, 要比錢, 嗰兩條 PK 竟然同時攞起部電話打, 妖 ~有冇咁啱呀?! 結果要我呢個低級職員找數.
呢次呢 3 個外籍男人, 喺大陸咁多地方, 無論打的, 食飯, 都完全冇人意圖攞個銀包出嚟找數, 次次都係我比. 最後仲比我發現, 佢哋根本連人民幣都冇, 咁同出街食飯唔帶 $ 嘅心態有乜分別? 即係一早旨意人請!
最最最 cheap 兜, 係其中一條法國佬, 喺新加坡要早大隊一晚走, 終於露出破綻, 話冇坡紙打的去機場, 望住我, 想我比 $ 佢, 我啋佢都傻, 叫佢去找換店搞掂啦, 點知佢原來身上連一蚊都冇!
我明明有, 都唔比佢.
結果佢搞到要 book 酒店車, 用 credit card 找數, 正粉腸!
沒有留言:
發佈留言