不大眾點評

啲人成日問我香港而家有乜餐廳好食, 老實講 : 冇. 

[ 註 : 個人意見, 不代表大眾立場 ]

出到 disclaimer, 因為有次比人寸, 寸我話 : " 你覺得唔好食唔代表其他人都覺得唔好食囉! "  Diu, 咁你又問我 ?! 答你又寸咀 😠  

條 kam 撚唔知係真失憶定係想挑機, 上個月竟敢再問我有冇餐廳介紹俾佢, 我冇尾音一個單字答 : 冇 !

Louise 招牌雞 . 永遠懷念

唔係眼角高, 而係近年真係冇再喺香港食到啲驚為天人, 出品令味蕾尖叫嘅餐廳, 最失望係連以前覺得好掂嗰幾間, 唔係執咗就係走下坡, 自己招牌菜都搞唔掂. 

Fondue Forestiere

話雖如此, 香港食肆不時都仲有啲曇花一現嘅驚喜嘅, 例如半島 Chesa '野菌芝士火鍋', 年頭食覺得香濃美味, 點知事隔一個月再食, 竟然可以成個味唔同咗, 點搞呀 ? 駛唔駛咁善變呢 😬 

講起芝士, 香港好多人話鍾意食, 但真係會買幾舊咬嘅, 實屬少數.  可能環境唔適合啦, 記得 N 年前買芝士, 喺屋企攤喺枱諗住開餐之際突然電話響, 行開講咗都冇 3 分鐘, 返轉頭已經發現芝士招惹咗大群烏蠅 (🪰 x 10+) 喺枱面盤旋, 幾隻 🪰 仲已經空降進食中 😕😕   嗰次之後, 我就冇再外賣芝士喺屋企食了.

找出圖中陳瀅

尋晚, 終於成功食咗想試好耐, 喺 PMQ 對面 ROUCOU cheese bar + omakase https://roucouconcepts.com/   老實講, 食開芝士嘅我都覺得餐廳室內鹹香味濃烈, 可以想像啲唔食 / 怕食嘅人, 個場應該係佢哋嘅煉獄 👹. 

MENU

餐廳法日 fusion 菜, 除咗廚師發辦, 客人亦可以散叫. 望住 menu 有啲迷茫, 九成都有芝士, 會唔會好 heavy 呢 ? 😅

結果, 我哋心中的疑惑, 喺上菜一刻就徹底消除, 有機會, 一定去試埋佢個 brunch.

第一 : 食物份量不大, 點到即止冇負擔;  

第二 : 啲嘢真係好食嘅, 尤其個 壽喜燒牛肉紫菜窩蛋飯 (Sushi bake, Japanese beef sukiyaki, egg yolk, seaweed leaves) 同 蝦湯麵 (Shellfish noodle, bamboo shoot, prawns & chilli oil) 味道鮮明, umami 大爆發, 係食完行出門口, 第二朝起身諗番起都仲會完全記得係乜味嘅美食!  

第三 : 員工極 friendly, 面帶笑容, 動作快, 有耐性.

蝦湯麵 💗 | 牛肉紫菜窩蛋飯 💗

 

油甘魚刺身 (以為隻碟白色, 原來係芝士😆😆)

I 🩷 電梯

行李係條街等待 check-in 中

今次意大利住嗰兩間 Airbnb 都揀頂樓, 諗住居高臨下, 好似勁啲咁.

Florence 住喺座 13 世紀建築, 完全冇𨋢行樓梯預咗, 諗住 3 層難我唔到, 可惜忘記咗意大利古老建築每層樓樓底都十幾廿尺起跳, 佢 3 層已經等於香港 4-5 層 😬😬.  

Apartment 樓底好高

一熄燈就可以碌落樓

又斜又窄又暗嘅 105 級樓梯 (我有數過), 有燈, 不過唔係長着要自己搵開關制, 仲要係 on timer 限時, 如果動作慢行行吓突然夠鐘熄燈, 真係分分鐘碌埋落樓.

Check-in 好, 去超市買餸, 孭住大包細包再扐埋幾樽酒 + 礦泉水, 好重呀大佬, 差啲連平地都行唔郁.  打開大門往上望, 見到條 13 世紀樓梯, 怯咗怯, 終於感受到乜嘢叫 [望而生畏] 😵😵😵  

可能前幾日喺倫敦行得比較多, 對腳 GG 咗 😧  喺負重爬完百級樓梯差不多斷氣地踏進 "家門" 之際, 秒殺打消原先 [買完餸再落街行吓] 念頭.  End up, 成晚攤喺床, 廢 L一條乜都冇做過.

第朝起身對腳依然腫, 但因為一早買咗票睇展覽 + 約咗人吃飯, 所以決定將原本 4 次來回嘅行程壓縮成兩次, 雖然中途冇得返房休息會比較攰, 但就可以減少上落樓梯嘅次數同碌落樓嘅機會. 

信我啦間房真係好靚㗎

間 Airbnb 係 self-checkout, 冇人幫手搬行李 🧳 唯有自己出手, 力的表現 !!  好彩之前喺威尼斯學懂 ["拉住跣" 行李落樓梯大法] ✌✌✌✌✌✌✌✌✌✌✌ 可以順利借力, 成功將行李 "跣" 落樓.

羅馬的樓梯級

比起 Florence, 羅馬個地埗算做理想, 起碼有𨋢先啦 : 地面行 17 級樓梯 --> 轉電梯搭到 4 樓 --> 再由 4 樓人肉上多兩層到 6 樓. 

呢啲上上落落, 我而家嘅體能都仲應付到嘅, 但過多幾年...... 就唔敢包喇.

Apartment 真係冇得輸, 四面單邊 360 度環迴 panorama 羅馬靚景 💕💕💕💕💕💕💕

但我唔明呢個設計, 單位一開門就係條直落嘅樓梯, 係乜玩法 ?! 😂😂😂

好趕時間可以直接碌落樓😆😆

認住呢隻豬

如果要同朋友推薦一間倫敦食店, 非 ST JOHN 莫屬, 去過佢幾個 outlets, 除咗食物好味價格合理, 室內設計型格, 空間感十足, 連員工嘅 styling 都做到低調中帶點漫不經心 😆. 

今次有幸去總店朝聖 https://stjohnrestaurant.com/a/restaurants/smithfield, 米芝蓮一星, 好期待.

餐廳分兩層, 大部份客應該係附近做嘢嘅陀地, 而招呼我哋嘅卷髮 waiter, 態度良好, 非常友善 👍

Oyster 1 each

卷髮 waiter

 

因為英語水平比較低, waiter 講完一大輪介紹 4 個是日精選, 我都只係聽得明啲單字, 大概係蝸牛, 羊, 魚, 同埋菜 😂 

Haha ~~ 是 Q 但啦, end up order 咗 : 1) 蝸牛沙律 + 2) 煎魚 [唔好意思完全噏唔番係乜魚😄]

再喺 a la carte menu 揀多幾個 : 3) 每人一隻生蠔 + 4) 雞肝 toast 👍👍👍👍 + 5) 山雞 guinea fowl 👍👍👍👍👍👍👍

Chicken liver toast 😍 + Snail salad

發現佢哋 salad dressing 原來同上次 Marylebone 店食魚面珠 https://shirliek.blogspot.com/2025/10/blog-post_7.html 嘅 dressing 一樣味, 應該係 ST JOHN 餐廳百搭系列.

Fish (left) & Guinea Fowl (right) 😍😍😍

 

哇 ~ 碟山雞, OMG 驚喜到不得了!  Guinea Fowl 配鬼佬梅菜 (Chard + Anchovy), 意想不到的中式親切感 😙 

ST JOHN 總店喺 Smithfield 肉類批發市場 https://en.wikipedia.org/wiki/Smithfield,_London 附近, 奇形怪肉來源不絕, 餐牌有非常多另類肉食供應, 例如牛心 🩷 羊脷 👅 etc., 日日新鮮日日甘, 香港應該冇乜機會食到.

 

春天天花板 . 倫敦

2025 Sep

上年九月尾, 一心諗住去夢寐以求, 喺倫敦西南近郊城鎮 Richmond - Petersham Nuseries https://petershamnurseries.com/ 嚟個田園風味 afternoon tea, 點知遇著人哋 monday 休息日, 敗興而歸 😵.

2026 Apr

估唔到今年竟然可以有 take two, 上天俾多次機會我四月再去, 不但天氣好, 仲遇啱 wisteria (紫藤) 怒放, 實在完美 😎 !

雖然位處倫敦城郊, 如果識路, 其實 Petersham Nuseries 都幾易去, 由 Waterloo Station 搭 SouthWesternRailway 喺 Richmond 站落車再轉 65 號巴士, 連埋等車都唔駛一粒鐘. 如果揸車仲快, 20~30 分鐘就搞掂. 

Petersham Nuseries 除咗花園餐廳, 仲有得 '鳩污' (購物 shopping) : 盆栽植物 🪴🪴 + 花 🌹🌸🌷🌻 + 戶外傢俱 + homeware.

 

 

啲嘢件件都靚到不得了, 如果比我有車揸去, 實行掃佢個場買晒啲貨 💪💪💪

但最後只係非常節制地買咗啲啲, 因為夠晒鐘去花園餐廳食 mum mum 了. 

IG 睇相已經知個地方好靚, 原來身歷其境係另一境界, 鳥語花香, 好夢幻 😍😍😍  泥地 樹棚似係漫不經意, 其實一花一樹 一杯一碟 員工制服, 都係精心設計, 襯絕 !  

唔好以為個場空無一人, 其實我只係巧妙地拍攝, 避開人群, 去嗰日係星期五都未夠一點, 餐廳已經爆場.

枱枱身光頸靚, 親朋好友一家大細, 日光白白乜唔駛返工嘅咩 (我就話係遊客啫) ?!  

後來得知, 住得 Richmond 啲人大把, 真係唔需要撈㗎喎 😆

食物造型賣相味道一流, 我俾極高分, 尤其碟 Sea Bream Crudo (鱲魚魚生片), 唔只樣靚仲好食, 係我喺英國食過最美味嘅魚生 ! 

[利申 : 人生只去過英國 6 次, 千祈唔好攞我嚟做 benchmark 😅]

其實除咗呢度, 倫敦街頭好多度都有紫藤, 處處驚喜 😍 

 

倫敦都咁靚, 以為跟住喺意大利可以再下一城, 因為四月尾五月頭 Florence 半山 Bardini 公園亦有條非常經典漂亮嘅
紫藤 corridor.

網上圖片 : 傳說中 Florence (Bardini Garden) wisteria corridor

結果行咗條 500m 超級大斜路上山, 成身汗屎忽都濕埋, 仲要行錯路, 搞一大輪先搵到公園入口. 

去到, 見到呢條 (下圖).

屌開 L 完晒囉!

屌, 嬲咗 😡😡😡😡😡😡😡😡😡😡😡😡😡😡😡