漁人得利

啋~~~ 門口似唔似兩個墓碑? 👻

筲箕灣 "美食一條街" : 東大街, 上次去已經係十幾年前,  大街天后古廟旁有條窄巷, 裡面最盡頭有間主打本地漁獲 + 日本食材嘅廚師發辦 Sushi Zinc https://www.instagram.com/sushi_zinc/?hl=en

點發現 ? 兩年前睇蘇民峰 facebook, 佢去呢間 Sushi Zinc 食好似幾正咁, 所以加咗喺自己 wishlist.

[ 熱葷]  上至下 clockwise : 百合青葡萄北海道油甘魚💗💗💗💗 . 溏心青龍蝦天婦羅💗💗💗. 淡雪鹽粟米茶碗蒸💗💗

終於, 幾年後嘅尋晚, 有幸幫襯 💪 

餐廳九個坐位, 後尾得知幕後老闆原來做室內設計, 唔怪之得裝修咁型格啦 😜. 

啲白色一粒粒遠睇我以為係 LEGO, 原來係魷魚 😂

一山還有一山高 : 原來我十幾年冇去東大街都係碎料, 同行香港陀地竟然話 40 幾歲人尋晚先係自己第一次去筲箕灣, CLS 唔係掛 ?! 哇, 呢啲先係打大佬嘅終極材料 😂😂😂  

話明阿媽家姐 omakase, 當然冇餐牌睇, 成晚超過 18 度菜, 主廚都會親自同每組客人介紹. 應該係自己理解能力衰退, 明明隻隻字都識, 但串埋一齊就聽到一頭霧水 O 晒咀. 

[ Sashimi ] 各式本地魚 (除咗海膽) 💗💗💗

Chef Zinc 態度親民, 

正在切熱辣辣噴煙鮑魚的 chef Zinc

完全無懼成晚被食客攝入鏡頭.

[ 熱葷] 上至下 clockwise : 昆布濃汁鮑魚💗 .長芋紫蘇花 . 腐竹燒花頭梅💗 . 毛蟹梅酒烏魚子💗💗 

餐廳服務極具彈性, 因應客人需要調整, 例如我問 staff 壽司可唔可以要極少飯, 主廚非常細心, 走埋嚟細細聲問, 同我將所有壽司轉晒做 sashimi 好唔好 ?  嘩, 壽司走飯, 簡直正啦 !  女客人見到, 有樣學樣又話要全走 😅 Sushi Zinc 都變成 Sashimi Zinc 😂😂

[ Sashimi ]  西貢牛蝦 💗💗. 鯖魚壽司 💗💗💗. 拖羅2食💗💗

食物方面, 上菜次序為 4 冷 4 熱梅花間竹, 壽司 / 刺身用本地漁獲正宗日式做法, 而熱葷就日本食材意式烹調, 呢個 crossover 都幾有創意, 冇諗過香港嘅海魚可以做刺身㗎呢 !

餐廳 serve N 條魚, 坐 counter 成晚連一滴腥都聞唔到, 唔似上次去嗰間 "激腥殿堂" 居酒屋咁, 食完搭車全程都仲聞到自己一身腥 😪

Chef 同 Sommelier 真係好有演藝潛質 😆

激腥の殿堂

如果中伏有分大 - 中 - 細等級, 上禮拜五晚食嗰餐係大伏. 講緊間居酒屋係 Yardbird 同一條街嘅姊妹店, 開業超過一年, 不過唔知點解就係一直都冇乜意欲想去.  

理論上, 姊妹店應該有總店咁上下質素, 可惜當晚體驗唔得囉.

網上圖片

坐 chef counter, 諗住可以食住欣賞廚師表演烹飪好過癮啦, 點知 counter 變咗個廚收聽我同 friend 對話嘅平台, 最離譜成晚不停搭嗲, 嚴重侵犯私隱.

居酒屋坐 counter N 次, 第一次聞到由 counter 直接發出嘅強勁魚腥味 😵😵😵  

(1) 腥上加腥 . 睇相都聞到腥味 😒

Friend 叫 [ 刺身拼盤 (1) ] (Tuna + Yellowtail + Needle Fish), 碟嘢上枱, 啲腥埋身突襲, 塊 yellowtail 一咬腥味噴發將整條脷包圍, 每人三塊魚, 我食咗兩塊就投降. 

(2) Yellow tail handroll flagrant hot sauce 😖

跟住個 [ 辣油甘魚手卷 (2) ] 係我哋另一瀨嘢之作. 油甘魚零調味, 除咗魚腥同手卷頂頭啲蔥, 根本乜味都冇, where's 辣 ?! 😠😠  (食完碟嘢, 侍應先補飛擺支 hot sauce 喺枱面, 好明顯係之前俾漏咗囉 😡😡😡😡😡😡).

(3) Silver belt katsu curry 😑

一不離二, 二不離三, 餐牌 "限定今天" 個 [ 牙帶魚吉列咖喱 (3) ], 咖喱苦, 吉列牙帶腥, 咬兩啖已經搞唔掂, 唔可以再繼續落去.

成晚唯一合格嘅 (唔係好食) 係 [ 炭燒熟成七味鴿 (4) ], 因為唔腥 😂.  

(4) Dry aged grilled pigeon, burnt shichimi 😐

同埋唔明白啲 staff 做乜咁趕, 我哋一路食, 一路有人不斷抹枱同清零用緊嘅餐具, 極度騷擾 ! 問佢哋係喺咪趕住埋我哋單, 又話唔係.

不過講到最尾都係嗰句 : 我覺得唔好食唔代表其他人都覺得唔好食囉 !