狼來了

尋晚飲咗好多先瞓覺, 瞓到5 點左右急醒, 正喺度掙扎起唔起身去解決嘅時候, 窗外傳嚟一把好 "拆" 嘅叫聲 :  [救命呀~~ 救命呀~~~~],  [救命呀~~ 救命呀~~ 殺人呀~~~!!]

我小......  又嚟?!

http://shirliek.blogspot.hk/2012/12/blog-post_30.html

唔明點解佢兩個專揀夜闌人靜, 臨天光先嚟嘈交?   仲要打開窗不斷嗌, 搞到成個屋苑啲狗吠晒, 加上回音, 真係冇辦法可以瞓到.

同上次一樣, 嗌到咁上下就玩跳樓, 簡直係dejavu!  搞到啲護衛, 警察, 消防, 十字車嚟齊, 好墟嵌.

擾攘咗一輪, 條八婆 (我真係忍無可忍先咁形容佢!) 終於比人抬上擔架床送院, 佢個 TB partner, 仲一路行一路叫啲警察去拉佢 (條八婆), 又話要攞埋個手機, 打去理財戶口改密碼, 驚條八婆攞晒佢啲錢喎, 正一痴 Q 線!

佢兩條友今日見晒報, 比大家欣賞吓 :

 

 

 

睇真啲, 瞓喺床嘅就係條八婆, 佢真名叫 Shadow, 全火炭都知, 因佢上次玩跳樓時佢 partner (左邊格仔衫嗰個) 猛叫佢個名!