混吉

從後生到現在, 時不時都發啲關於 '落空' 嘅夢 :  
夢見上堂, 考試, 開會遲到, 好心急, 趕餐死, 但又去極都去唔到!  諗起人哋唔等自己, 好驚.

好彩醒番, 發現只不過係一場夢......  

不過, 惡夢發得太多最終都會成真.

太極難得今年開 show,  懶期待, 懶緊張, 晨早幾個月前買定飛. 

上禮拜日, 約咗去完歐洲工幹, 啱啱下晝落機嘅朋友 8pm 喺紅館集合.

見到面, 比張飛佢, 行緊去入場嗰陣, 朋友個樣好迷網問 : 我哋坐邊個閘口? 



張飛明明有寫, 點解問呢?

我以為佢 jet-lag, 點知攞佢張飛嚟望真啲, my 吉! 原來我只係帶咗張 receipt 比佢.   張真飛, 漏咗喺自己屋企!! 

(好邪,之後返到屋企張飛人間蒸發, 搵極都搵唔到!)

End up 我哋冇睇到演唱會, 去咗紅館對面 Hotel Icon 飲嘢. 

希望太極會再開演唱會啦, 如果唔係, 我真係千古罪人, 好對個 friend 唔住.