讓坐吧

唔知老咗係咪會固執啲, 家陣好容易對啲完全事不關己嘅事而動氣, 激心, 耿耿於懷.

今朝返工喺沙田上火車, 車廂坐滿人, 但唔係好逼. 有個 70 幾歲滿頭白髮, 揸拐杖嘅阿伯上車, 冇位坐, 企咗喺度. 

佢附近嘅人, 完全冇反應, 連扮睇唔到都費事, 擺明唔讓坐.  架車一開, 阿伯左搖右擺, 當刻心諗, 乜啲人咁賤, 咁冷血㗎.  

唔係掛住玩手機, 就瞓到面容扭曲, 皺晒眉頭, 死去活來咁.  唔明點解瞓覺唔喺床, 要喺火車.

大圍站有一大班人落車, 阿伯有得坐, 佢坐咗喺窗邊, 隔離同對面全部都係女人, 三娘教子.

點知去到旺角站, 阿伯落車. 坐路口位嗰兩條八婆, 竟然完全唔縮腳, 阿伯要連人帶拐杖, 跨過佢哋啲腳先出到去 !  

正人渣, 冇人性, 躝靼 !

兩條八婆 : 你老味, 你知唔知乜嘢係敬老, 你屋企冇老人家 ?  如果他人用同樣方法對待佢哋, 你覺得 ok ?   

人渣, 咁賤 ! 影你哋相 !

餘怒未消, 臨落車, 睇吓你兩個嘅衰相. 

一個鼻蹋, 一個冇腮, 擺明等報應, 你哋老嗰陣慢慢捱啦 !