繡花拖鞋

今日食晏, HR 同事好懊惱同我哋講, 收到 GM order, 聽日要同某 director 級要員表態, 提醒佢嘅衣著品味, 尤其一定唔可以再喺 office 著繡花拖鞋.

哈哈, 真好笑, 條八婆 GM 就係咁, 永遠唔做醜人.  明明朝見口晚見面自己條𡃁, 點解唔直接講, 要借 HR 把口 ?

不過諗起 director 嗰對繡花拖鞋, 被佢肥胖身軀, 日積月纍下踩到 "噠" 晒.   有時佢出咗街, 我哋喺佢位望到嗰對又梅又扁嘅拖鞋屍, 確實嘔心.

繡花拖鞋, 一係名門淑女喺自己深閨裡面著, 一係就喺鬼故廁所某格條罅先會見到, 冇諗過一間所謂 MNC office 會有肥人敢著住嚟行出行入.

調較吓, 係時候.



有口話人, 冇口話自己......  我都發現自己條小鮮肉 (工作條𡃁), 衣著品味有問題.

最怕佢嘅休閒 look : 著鞋唔著襪 (我諗其實好多人都知, 著鞋唔著襪對腳會好嗅), 都唔緊要, 仲要著條貼身牛仔褲 + 摺腳 (下圖左).  

My god, 摺腳呢吓好難頂, 唔知佢喺邊度學番嚟, 成件事根本錯晒 !

好人好者, 無啦啦做乜著窄腳褲, 男人之家, 想 show 啲乜?  同埋窄腳褲, 如果唔係腳長, 唔好搞啦.

唉, 可能我都要學條八婆咁, 搵 HR 幫助吓手.