*** 愛心爆膨, 愛護動物者 ...... 慎入 ***
騎馬嗰度除咗馬, 仲好多動物, 通山都係野牛, 野豬, 蛇, 牛蛙 ; 人工飼養嘅有狗, 兔, 錦鯉同黑草羊. 黑草羊性慾強, 一年四季不停交配, 仲因為亂倫生埋啲 defective 病壞, 睇獸醫睇到窮.
上星期撞見馬場老闆, 佢豪氣問 : " 喂, 下禮拜如果你哋得閒嚟, 整隻烤全羊好唔好呀 ? " 嘩, 緊係好啦, 即刻 whatsapp 班馬 !
老闆講咗劏羊足足 7 年, 年年只聞樓梯響, 不見有人來,我哋等了又等, 7 年, 終於等到 ! 好期待, 但心裡又有啲忐忑, 雖然同啲羊冇乜交情, 但話晒拆散人哋家庭, 唔係咁好. 所以當馬房啲人描述殺羊實況嘅時候, 立即狂奔彈開, 頂你, 我唔要聽呀 !
尋日燒烤見到盆羊, 打咗個冷震, 超乎想像, 冇諗過啲皮會係灰白色.
既然隻羊已經犧牲咗, 唯有食啦.
老板娘事前隔晚用香料腌好, 仲親自落場主理, 烤得似模似樣.
燒烤味道聞落還可以, 望住馬友一刀一刀咁劈開啲烤好嘅羊架, 只敢食少少. 食落口冇乜平常羊肉嘅香同羶, 始終黑草羊都係用燜嘅煮法會入味啲.
早幾日, 原本寫咗有關農曆七月禁忌 + 自己今年對呢個 ' 節慶 ' 感覺嘅 blog, 點知 post 咗唔夠一粒鐘, 突然頭暈作嘔. 可能純粹心理作用, 自己諗多咗, 但無謂老虎頭上釘虱乸, 所以 delete 咗.
唔講 ' 朋友 ' 不如講公司.
我公司 ' 自以為 ' 仲話得事嗰個女 GM ( 註 : 佢已經冇實權, 老闆出去開會見客冇佢份, 閒來只係管吓 office 啲雞毛蒜皮, 我都好想收佢份人工, 做呢啲無謂嘢 ). 每年一到 annual dinner 意見多多, HR 建議玩乜 theme 佢都 ban, 話唔 proper 唔 luxury 唔 elegant 唔靚意識唔好, 乜都唔准唔比唔得, 搞到公司成間修道院師姑奄咁.
次次都堅持啲冇創意悶蛋主題, 自己幾廿歲年老色衰仲學人扮 Audrey Hepburn, 嘔 ! 扁口扁面, 好心照吓鏡, 望吓自己邊忽似柯德莉夏萍啦 !
今日 lunch 講起上次 annual dinner 卡通主題, ' 潔癖 ' 女同事突然上身, 一發不可收拾, 高頻尖聲, 激烈指責部門 hehe 男上司, 扮 Alice in Wonderland 個愛麗斯扮到鬼火咁靚, 但就要全 team 10 幾人做茄哩啡襯托佢.
' 潔癖 ' 女對自己被迫扮綠精靈一事耿耿於懷, 成餐飯鬼殺咁嘈, 聽覺污染. 佢咬牙切齒, 話下年 annual dinner 一定唔要再整醜自己 !
想食餐安樂茶飯啫, 都比佢嘈乸住晒, 無明火起三千, 忍唔住疙佢 : " 做乜 annual dinner 一定要靚 ? 又唔係選美, 又唔係結婚 "
' 潔癖 ' 女聽罷, 無言; 全枱其他人, 無語陰笑; 大概係我疙得佢太淋漓盡致, 大快人心吧 😆
去上海啱啱遇著 ' 桑拿天 ' ( 即幾日大雨後突然變得極度暴曬嘅天氣 ), 地面熱氣不斷蒸上嚟, 行路真係有啲呼吸困難, 太陽下路邊不銹鋼扶手千萬唔好掂, 摸落去分分鐘連皮都煎熟 !
加上去完工場工地呢啲人間煉獄, 身心受創, 可能熱壞咗, 失調. 尋日下晝返香港覺得涼, 後來睇報紙先知原來有成 34.2 ℃, 破開埠以嚟立秋第二熱嘅記錄.
喺上海住近東方明珠塔, 以前覺得佢醜夾 K 型, 但唔知點解而家睇落順眼咗, 好 futuristic. 上海人食飽飯會一家大細出嚟睇夜景, 打咭影相, 成街人都同個塔 selfie, 好搞笑.
同 10 年前相比, 上海進步神速, 現在要幾奢華有幾奢華, 有韻味, 有歷史.
香港 ? 同馬經批啲垃圾馬嘅評語一樣, 4 個字 : 可以不理 😆
去任何國家, 最緊要食好嘢, 儘量點啲喺香港冇嘅材料同菜式, 今次 lunch meeting 趁機叫 < 青辣椒水煮蛙 >. 香港唔係冇, 但啲人成日提倡健康飲食, 蛙呢啲咁多寄生蟲嘅食物, 應該買少見少, 就快消失.
盆蛙, 睇相都睇得出肉質彈牙鮮味啦, 估唔到同枱人人都 like, 一輪強勁攻勢, 話咁快食晒, 要追加囉. 頂 ~ order 嗰陣問有冇人食又冇人答我, 如果唔係一次叫兩盆就唔駛等啦.
前日搭飛機, 坐正條死八公隔離, 中國人, 唔講中文講英文, 扮晒嘢, 攞完 Standard 攞 Financial Times 又唔一次過講, 點到空姐氹氹轉.
派餐時候空姐問飲乜又話唔要, 跟住人哋推走架餐車, 就撳 call button 叫人埋位話要飲紅酒;
食完嘢, 收餐盆嗰陣明明可以 refill 紅酒又唔出聲, 等飛機仲有 30 分鐘準備降落, 機組人員手忙腳亂之際, 先撳鐘叫人比多杯佢, 正一屎忽鬼 !
阿叔, 你坐經濟倉 first row 咋, 唔係 first class 呀, 搞到咁多人服侍你一個.
終極辣㷫 😡 , 就係臨 landing 竟然將自己啲紙巾垃圾擺晒係我個 seat pocket 度, 個死人膠蓋跌出嚟飛喺我隻鞋前面, 條仆街當睇唔到 !
頂佢個肺我 9 秒 9 一腳 ' 伸 ' 個蓋飛番過去佢度, 之後立即閉目養神扮瞓覺, 學佢條仆街咁, 當冇事發生乜都睇唔到, 呵 ~~ 吹咩 ?
去完北京, 話咁快已經再跑咗轉泰國. 前日排隊登機期間, 聽見 ' 魚翅 ' 航空地勤同外籍乘客對話, 鬼佬問班機會唔會勁 delay, 地勤連珠炮發 : yes sir, actually, we are boarding soon yeah...... actually, boarding delay because previous flight late yeah...... actually, we arrive on time ok ? yeah.
每句都 actually yeah, 呢啲咁不堪嘅港式英文, 真羞家 ! 當年 ' 魚翅 ' 面試 actually 一定冇考到佢英語會話囉 yeah 😆.
下晝羞家完晚黑食好嘢, 今次搵咗曼谷一間 up and coming 叫 LE DU 嘅餐廳, 型仔大廚 NYC 海歸派, 跟法國名師學廚高級法菜.
餐廳明顯走中高檔路線, 我哋班地盤佬格格不入, 不過啲 staff 冇嫌棄我哋, 而且仲超級 nice, 招呼周到好禮貌.
法式泰菜, 雖然我唔太鍾意 fushion 煮法, 但無可否認呢間確實做得唔錯, chef 大膽有創意, 能夠睇穿食材真面目, 每度菜好多 layers, 無論肉, 醬汁調味同香料, 互相輝映, 個個都係主角, 冇人係茄哩啡 !
其實好抵, 6 度菜 tasting menu 唔駛 8 百蚊港紙, 喺香港, 不可能吧.
 |
| Seabass |
 |
| Crayfish & Oyster |
 |
| Grouper |
 |
| River Prawn |
 |
| spring chicken |
唔知做乜咁高興, 氣氛澎漲, 7 個人劈咗 4 支香檳 4 支紅酒 6 支白酒.
劈咁多年, 平時一定唔會隊人.
不過當遇到啲自以為好飲得, 不知所謂大大聲, 推推撞撞, 發酒癲自隊之餘又係咁搵人乾杯嘅物體, 我自不然會無明火起三千丈, 潛在變態即時發作, 忍唔住送佢一程.
Sorry, 下面呢兩個物體, 唔係生意失敗, 而係完全收皮, 因為比我隊冧咗 😂
老板娘事前隔晚用香料腌好, 仲親自落場主理, 烤得似模似樣. 
