 |
| 哈佛大騎樓 |
年紀同我咁上下大嘅, 應該有聽過 [ 大騎樓 ] 呢樣嘢, [ 大騎樓 ] 唔係建築物一部份, 而係個用嚟形容女性澎湃胸圍嘅詞, 90 年代有個叫 [ 哈佛大騎樓 ] 嘅女藝人, 大家仲有冇印象呢 ?
比起而家啲網紅 KOL 碌晒出嚟, 大到睇見都頭痛嘅 E 奶 G 奶, [ 哈佛大騎樓 ] 嘅 35 C 只不過小兒科, 頂多係而家新樓必備嘅 [ 懸棺露台 ], 同 [ 大騎樓 ] 壯觀規模差好遠. 可能 90 年代物質未係咁充裕, 當時啲人易滿足啦
.
 |
| 懸棺露台 |
 |
| 被晾衫架攻陷的露台 |
論身材 [ 懸棺露台 ] 一定冇我份, [ 窗台 ] 都非常 ' 掹 ', 還好住嘅屋苑有露台設施, 可以心理上以形補形. 可惜大好一個露台, 只有少部份人識欣賞種吓花 ( 包括我 ), 大部份人都係攞嚟晾衫, 嘥料 ! 有時都有啲男戶主夜麻麻喺露台鬼鼠講電話嘅, 尤其呢排 WFH 困獸鬥, 唔知點解呢 ?
近期收到屋苑通告, 原來露台係可以用嚟發洩㗎 : 傾倒污水, 傾倒泥沙, 同平台草地其他住客隔空嗌交 😂😂😂
沒有留言:
發佈留言