咁又一年

入咗公司咁就一年, 除咗睇唔順眼隻老鼠 CEO 同香港 office 阻住地球轉嘅 HR 廢柴外, 大致還可以, 可能要求低.

兩個同我差唔多前後腳入嚟 ( 咁啱都做過 L"B" ) 嘅同事就好不滿成日呻, 彈三彈四話個牌子唔掂, 啲貨唔得.  

好笑囉, 你兩位入職前明知品牌 2018 年尾瀨大壇嘢得罪大陸, 牌子咁霉你都吼, 無非貪人工高職位高, 你哋假若覺得委屈只能怪自己, 因為真係冇人喺街挾持你哋入嚟做.

唱生晒不突止, 仲要周圍打毒針教唆其他部門下屬作反, 自己走就慫恿隻馬去搵工.  不過算把啦, 隻馬係條擦鞋狗, 做場戲敷衍了吧.  你走, 除咗我, 全 office 連埋你自己部門有冇一個同事同你 farewell ? 你條狗, 冇咗你都掂喎, 轉頭已經同老鼠咀晒, 如魚得水好漢一條.

啲貨唔得, 咁一出新貨 clothing 又爭住攞 ? 講開 clothing 另一舊 L"B" 同事仲搞笑, 有日放工話趕住去鋪頭攞衫, 問佢做乜咁趕 ? 佢話因為第朝見工諗住著公司衫, 等人覺得自己好尊重個品牌咁話. 

聽後...... 無言 😒

如果咁尊重品牌就唔會去第二個牌子 interview 啦 !  有冇人咁柒喺 OK 便利店做會著件 OK 衫走去 7-11 見工 ?  聽到都覺得白痴, 其實唔係公司唔惦, 係你哋唔 L 掂囉.