火爆新年

牛年第一個 blog, 估唔到要扯住火咁寫, 仲要係好猛火嗰隻 🎇🎇🎇

2 月 3 日立春當日開始覺得個氣場唔同咗, 樣樣事情雖未至於得心應手, 但都好似順咗好多, 加上農曆年放假嗰幾日, 天氣真係好到不得了, 風和日麗藍天白雲, 搞到新春好似好有希望 😂 

可惜美夢今天 2 月 21 日 ( 大年初十 ) 幻滅.

 

返娘家食飯, 見到窗台有封稅局寄嚟嘅信已經心知不妙, 打開內附稅單, 比個銀碼嚇到心都離埋, 腦海當堂空白一片, 手腳麻痺, 連隻耳都 mute 埋, 完全聽唔到周圍嘅人講嘢.  

 

離晒大譜, 交嗰筆稅可以出多架 CLA 囉, 我邊 Q 有搵咁多 $ 呀 !?  仲要 2 月寄出 3 月中就要交, 連畀人籌旗嘅時間都冇, 好彩有買開儲稅券, 唔係仲撚大鑊. 

Date of issuance 係 5 Feb, 但 18 Feb 先寄到囉 !

非常火滾十級震怒, 完全冇心情食飯, 一心想快啲返屋企摷番啲報稅資料搞過清楚明白.  Check 番過往稅單, 猛然發現原來稅局而家先嚟追番之前冇收嘅暫繳稅, 搞到今年一次過要交 19/20 同 20/21 兩個年度巨額稅款. 

 

要澄清, 我上年有打過去稅局問點解收唔到稅單, 接聽嘅公務員話因為之前年度嘅暫繳稅多收咗我, 直情多到可以覆蓋埋下年度, 所以唔駛交, 冇稅單囉.  被佢誤導以為真係咁 so, 點知個垃圾政府家陣等錢使, 秋後算帳挖得就挖, 其實豪畀佢冇問題, 但得嗰兩個禮拜時間就到 deadline, 條氣真係好唔順 😡😡😡  

最㷫係就算反對都要書面申請, 寫信又唔知寄去邊, email 又唔知乜 address, 聽朝起身打 1823 同佢死過 !