早幾日收到風, 陳瀅會喺 [ 愛美麗狂想曲 ] 有挑戰電視尺度性感演出, 所以上個禮拜破例一晚抽空 8 點半睇無線.
一直留意陳瀅, 唔因為佢係何猷亨舊菜, 查實係覺得佢無論面型輪廓同舉止都非常有英氣, man 過好多男人. 同埋發現佢鼻哥窿係三角形, 好奇特.
戲中嘅陳瀅唔鍾意小朋友, 喺大澳酒店鬧細路一幕, 好惡, 如果我係劇中小演員, 除非唔識廣東話, 否則一定比佢鬧到喊 !
講起細路, 雖然唔憎但一定冇興趣.
好彩大部份朋友年紀已經有番咁上下, 仔大女大. 最怕係啲八十後同事, 環境咁樣個個都仲好似有得分咁狂生, 生完返工日日喺公司呢埋唧奶, 唧完就圍埋講仔經, 講校網. 都唔緊要, 但無間斷 show fb / whatsapp 啲完全唔靚 ( 老豆老母 100% 餅印 ), 唔得意, 口腫面腫, 有黑眼圈嘅 BB 相 + video, 不停迫你睇佢哋成長過程同要你比 like !! 簡直世紀精神虐待.
少頭髮又話少頭髮, 多頭髮又話多頭髮, 黐身, 唔抱嗰陣就扭計, 喊, 冇屎屙, 你同老公點樣半夜輪更餵奶, 奶奶同你爭湊 B, etc, etc...... 乜都講一餐. 大佬呀, 關我撚事咩 ? 我真係 0 興趣知, 聽得太多覺得好 Q 煩, 夠喇.
沒有留言:
發佈留言