羅馬辣招

熟我嘅人, 都知我最鍾意啲又殘又舊嘅嘢, 意大利羅馬完全符合條件, 係我心中嘅天堂.

點知天堂原來由 2022 年尾開始有限電令, 每戶每日最多只可以開 10 粒鐘暖氣, 即其餘 14 小時 ( 強制性包括晚上 11pm 至第朝 5am ) 要完全熄機, 真係著羽絨瞓都唔掂 😦.

咁啱, 我喺意大利全年最凍嗰 3 日 ( 3 giorni della meria / 3 days of the female blackbird ) 到訪, 咁橋, 住嘅係私人樓宇, 受限電令限制 !  

樓底高暖氣升晒上天花, 我呢類身短哈比人, 唯有忍受沉積喺地面嘅冷空氣, 奇凍無比, 之前喺街見有羽絨褲賣, 心諗邊個著, 而家知答案啦 😆

可幸是呢幾日羅馬陽光普照, 心理上感覺還好, 如果好似早排落雨, 喺街又凍, 喺屋企仲凍 😂, 死得.

更好彩嘅, 係俾我喺衣櫃摷到個小型電暖爐, 冇暖氣期間可以頂到吓.

過兩日去巴黎, 而家好驚法國會唔會又行呢招, check 咗好似冇, 希望真係冇.