My dream trip

YouTube <有 x 好食> 肥仔話自己被 Tasmania 旅遊局邀請, 仲有旅行社贊助, 跟咗 < 美麗 x > 團去塔斯曼尼亞觀光.  佢介紹嗰啲擺明做水魚客, 連隻鮑魚都要幾廿人爭嘅 "美食", 讚到天上有地下無, 最爆笑仲夠膽死隊支 < 李 x 記> 豉油出嚟 😂, 擺明收咗錢出鱔稿啦. 

講起跟團, 我人生都跟過一次, 1996 年暑假返港, 法國文化協會舊同學先斬後奏, 竟然幫我報咗團先同我講, 交晒錢, 唯有去啦 😑.  話時話, 呢個人 short short 哋 (留意餘下內容).

曼谷芭堤雅 4 日 3 夜, 團費 1,500 蚊, 來回機票*連食宿, 除導遊 / 領隊小費又真係冇額外收錢, 抵到爛. 

網上圖片

首先想講吓, 呢個團景點非一般, skip 晒 [ 四面佛 ] [ 大皇宮 ], 第一站竟然去 [ 蛇園 ] 😨 ! 顧名思義, 叫得 [ 蛇園 ], 園裡面當然充斥住好 L 多條蛇啦 !!  熱屎辣辣被迫坐定定, 睇人表演撚蛇 😂 成件事勁顛 !

網上圖片

晚黑食飽飽, 全團人被車去睇 [ 成人Show ] 觀賞特技 😆😆😆😆😆. 可能早前已演出多場, 外籍男演員疑似不舉, 女對手 "担" 咗好耐都撻唔着, 正當等到有啲悶之際, 突然後排傳嚟爆粗女聲 : " DLLM ~~ ! 含到牙都爛 L 埋都未得 ! " 😂😂😂😂  

哇廣東話, 勁呀, 擰轉一望, 原來靚女團友爆粗, 佢堅靚, 靚到可以比美張柏芝初出道咁嘅樣 😍 (後尾先發現靚女係女警, 同埋大部份團友都係皇氣).

網上圖片

比起曼谷, 芭堤雅行程算係正路, 沙灘玩香蕉船同百貨公司購物之類.  

AI 生成圖片 😂

法文同學一早做好資料搜集, 話泰國 [ 買 Wacoal ] 平, 一口氣買咗 40 幾個 bra 不特止, 返到酒店房仲喺我張床上面擺陣, 將全部 bra 整齊排列 (點解唔擺自己張床呢 ?) 😂  最痴線係 call 晒團友入房參觀 😂😂😂😂😂😂😂😂 [ 註 : 直到今日, 我都唔理解法文同學搞呢壇嘢嘅目的 😅 ]

網上圖片

 

同一晚上12 點差不多瞓着嗰陣隱約聽到一下下 boom boom 聲 (心諗, 唔係最後一晚先嚟料嘛 👻? ), 開眼一望, 原來係法文同學咗坐起身, 右手出拳不斷敲打自己張床, 急速語調重複 : " DLLM, DLLM...... 早知買多啲啦...... 早知買多啲啦. " (我 get 到, 佢應該好嬲自己下晝買唔夠 bra, 第朝又要飛走補唔到倉 😳😳 ) 

呢個 scene 加埋成個行程, 實在騎呢, 好在最後有甜頭...... 😝

*回程我哋成團竟然被 upgrade 晒上 business class  🥳🥳🥳, 雖然係 Air India, 但都好好招呼同不斷 refill 有酒飲.