冷靜與熱情

   久唔久喺屋企heah, 都會播吓啲陳年舊戲, 其中一套播足10年嘅, 係陳慧琳同竹野內豐主演嘅 <冷靜與熱情之間 calmi cuori appassionati>.

套片大部份喺意大利取景, 拍得好有文藝氣質, 竹野內豐嘅意文, 發音竟然好正.  

可能日本人講意文比較著數, 皆因日文同意文嘅尾音, 都係a-e-i-o-u.   不同嘅, 係意文有R字, 要勁捲脷.



一直覺得套戲配樂好好聽, 但唔覺出過碟, 去唱片舖搵又冇.    上禮拜又睇完, 突然心血來潮, 喺amazon jp搵, 竟然有, 即刻落order!  日本人嘅效率真係高得厲害, 隻CD兩日後已經到手!