出城

幾十年嚟, 我都係住港島, 除咗錦田八鄉騎馬嗰頭, 新界真係唔係咁熟.

不過搬咗入火炭成個禮拜, 係時候面對現實, 周圍行吓, 熟習環境.

尋日去咗成廿年都冇去過嘅<新城市廣場>, 原來而家靚咗咁多.  除咗超級大名牌, 所有應該有嘅舖頭都有.   最大喜訊, 係<一田百貨>嘅壽司/魚生好味同平過以前買開嘅Gourmet, Sogo, Citysuper好多!

今日試搭東鐵出旺角花墟, 快到爆, 唔駛15分鐘 (以前喺跑馬地, 要成九個字㗎)!   以後買花同去<譚財記>, 真係好方便.   (圖片係我發老姣買嘅嘅花)