金鐘炮房

尋晚上品酒堂前走咗金鐘一轉, 試吓喺正義道舊軍火庫, Asia Society現址裡面嘅一間新餐廳.

呢個喺80年代被荒廢嘅炮房, 有幸地被馬會大力加持(科水), 經美國建築師Tod Williams & Billie Tsien 改造下, 活化成一組既摩登, 又有建築感, 亦能同原有樓房及四周茂密叢林夾到痺嘅建築群.





同一件事, 如果落喺香港政府班迂腐精英手上, 必定會浪費幾百個億, 惡搞成另一 [中央圖書館] 咁令人眼冤嘅建築怪物!

第一眼見到間餐廳不禁wow咗聲, 因為好靚, 十足個透明手飾箱, 裡面啲燈 bling bling.

間嘢原來唔大, 唔怪得咁難 book 啦.  我哋 happy hour 叫咗啲小食, 賣相同味道唔錯.

有個貌似葉麗儀嘅 waitress, 唔知點解猛同我哋傾偈, 話題無啦啦 "辣" 到啲大陸人, 話佢哋講嘢大聲, 粗魯, 香港周街都係但冇佢哋符, 因為佢哋有米肯洗錢.

佢唔搞清楚啲客身份就亂噏, 真係找死, 分分鐘比人草泥馬 "chou - ni - ma".

AMMO Cafe