辦公室風水禁忌

 

噢~~   太耐冇寫Blog 了.

 

因為呢個月返工忙到不得了, 如果有個偷拍鏡頭影住, 一定會見我青根暴現, 成面油, 生頭瘡, 喺電話講埋晒啲超核突國語嘅恐怖樣.

 

諗番起, 都係咎由自取, 想升官發財, 學人搞辦公室風水, 擺埋啲乜駿馬圖.  唔擺尤自可, 一擺即癩嘢!  啲嘢突然排山倒海, 做到趴喺度.

 

其實我都好快醒覺不妙, 晨早搣走張嘢, 點知請鬼容易送鬼難, 到而家都仲係做到仆街.

 

所以風水陣千萬咪亂擺.