小圈子

 

呢排做嘢好濕滯, 搞到個人好燥. 

尋日外賣lunch 仲比條潮州魚蛋佬激到彈起, chok 住度氣, 足足一日先順得番.

 

今朝騎馬, 隱約聽到教練提起, 下年香港有個馬術盛會 (CSI 5), 喺機場博覽搞, 啲國際級高手, 跳欄會跳 1.6M!!

 

 

妖......  香港就係咁喇, 自誇 <World City> ,  到今時今日, 乜乸嘢事, 都係搞小圈子, 淨識口耳相傳!    

 

想搵啲盛會資料, 成晚摷爆個馬會 (HKJC) 同馬術協會 (HKEF)個網, 竟然隻字不提, 唔通有sponsor, 即係商業活動, 唔可以講?!

 

個馬術協會, 又話個會成立目的係促進馬術活動, 我呸!!  入會幾年, 除咗夏天到期交會費嗰陣會出信嚟催, 其餘日子, 簡直零交流! 

 

原來交錢, 就係馬術活動.