好心人

今朝打長途的, 同的士佬談論近期路面狀況, 各區徹底淪陷危機四伏, 兵荒馬亂, 根本同內戰冇分別.

上星期四朝早原本 book 咗騎馬, 點知必經之路全封, 但又非常心掛掛想探吓隻馬, 結果轉接地打的去荃灣西 --> 搭西鐵入元朗 --> 之後再打的 --> 去八鄉.    點解唔喺錦上路直接去 ?  我都想, 可惜架西鐵行行吓突然宣佈錦上路站收皮, 吹 L 漲.

好戲在後頭, 9:15am 睇完馬要出尖沙咀返工, 出到騎術學校門口, 成條粉錦根本塞死晒郁都唔郁 ! ( highway 唔通, 啲人個個諗住行荃錦公路出九龍, 但又自不量力, 上斜架車唔夠力, 搞到跟尾成條隊個個變龜行囉 ).  Call 的士 apps 同 Uber 加成 $100 都冇人應機, 唔對路, 唯有出粉錦公路邊行邊截,.

咁當然冇車啦, 9 點半喇, 點算呢 ?  忽然間心裡祈求 :  [ 天呀, 麻煩比條生路行吓, 比架車我走啦...... ] ( exact wordings 😆)

成隻無主孤魂咁喺路邊行嚟行去揾車搭,  行咗 3 分鐘左右, 突然有架黑色 van 停低, 裡面好心司機竟然 offer 順路載我一程去上水 😮😮😮😮.   

你話係咪極度神奇呢 !!!!!!!!!!!!!!!!!!!!!!!!!!!!!!!!!!!

上水去大欖 3 號幹線雖然塞咗成兩粒幾鐘車, 但全靠好心司機幫忙, 我先可以途出生天, 中午前回到 office.  真心祝願佢事事順利, 好心有好報 !