席間舊馬控訴雞毛意大利 project 阿頭點賤點衰, 近排冼到佢攤攤腰. 心諗, 你都食得禾米多喇, 係時候親身感收吓呢啲同 " 西 " 人角力嘅樂趣. 以為做高層咁容易, 之前乜都旨意晒我同你解圍, 而家我閃咗, 終於知道大禍臨頭啦. |
| 河豚餐牌 |
喺大陸食雞泡魚聽落有啲危, 不過餐廳日籍師傅有 [ 東京河豚魚廚師資格證 ], 應該唔會食死掛.
河豚呢樣食物口感真係好神奇, 介乎田雞同雞之間, 但田雞同雞就唔可以做我最鍾情嘅薄切刺身囉.
 |
| 好飲的檳 |
餐牌 10 樣嘢我哋叫咗 9 樣, 除咗薄切刺身, 我每樣都只係淺嘗, 唔係怕死 ( 係死食一粒都死啦 ), 係因為有人帶咗啲好飲嘅檳嚟, 要留位, 劈多啲.
同枱話河豚食唔飽要追加, 狂點炸物. 劈劈吓突然問我食唔食 " 清魚 ", 心諗 " 清魚 " ? 乜係㗎...... 都怪自己國語屎, 後尾先知原來係講緊 " 鯨魚 ", 仲要係刺身 ! 哇 ~~ 未食過喎, 一於試吓.
刺身上枱, 係一碟比牛肉更深紅嘅肉, 咬落有啲啲韌, 若然唔講一定估唔到係魚類. 味道係非常可以的, 有鮮味, 但如果唔配合薑蔥 + wasabi 一齊食, 應該會有少許腥.
大家都覺得好味, 不過基本上每人食一片就夠皮了.
 |
| 河豚各式生食 |
 |
| 河豚各式熟食 ( 右下係未煮嘅火鍋 ) + 北寄貝 |
 |
| 其他食物 ( 包括鯨魚 ) |
沒有留言:
發佈留言