年尾跑數

2021 年 blog 生產力唔高, 今日年尾 23:30pm 再盡力整多個短篇 : 一個好多人聽過, 但又有好多人未聽過, 我喺 HKU 嘅靈異經歷.

當年我聽 discman 等夠鐘上堂位置

本部大樓 Main Building, 1993 年夏天尾聲黃昏某日大約 6:30pm, 當年非常好學報讀港大夜校學日文 😆.  早到, 班房門未開, 所以一條友坐喺內園張石櫈 [ 黃圈 ] 雙目無神地聽住 discman 等開門.

慘白少年現身位置

無意識地周圍望吓, 突然察覺隔個水池打對面左手邊第二條柱 [ 紅圈 ] 有個 ' 四眼仔 ' 𥄫住自己 ! 造型十足小說常用字眼 : 慘白少年 - 面無血色, 粗框眼鏡, 白恤衫黑西褲, 好瘦好瘦好瘦......  最後, 當然冇一見終情啦, 因為大家互望約 5 秒後瘦仔就由肚開始由下至上漸變透明, 跟住成個 ' 人 ' 完全消失咗.

案發現場 ( 橙圈 )

前日下午去 HKU 一遊, 趁機拍下當年留下陰影 / 倩影位置, 做個記錄.