東京大食の熱到暈🔥

東京之旅, 食食食食 💪💪  

肥...... 食咗先減 !

朋友細佬東京住咗好多年流利日文, 有佢照住, 真係想撞板都難.

第一晚去西新宿食爐端燒 https://robata-sho-shinjuku.com/. 嘩正, 因為成世人都未食過爐端燒㗎 😂   遇著東京酷熱天氣, 晚黑 8 點幾都仲成 38 度 🔥 條街又侷 🔥, 由地鐵站行去餐廳 5 分鐘, feel 到啲汗一滴滴由背脊經過股罅再流落大脾 😆😆😆 

餐廳位處地牢, 我哋有間私家房, 自成一角, 可惜房冷氣唔夠, 應該話係幾乎冇 😆   朋友細佬話每次都係冬天幫襯, 唔知餐廳夏天原來會咁熱 🔥  唔緊要喎, 㷫烚烚 🔥 咪仲好氣氛.

終於學識欣賞 sake, 若然今次嚟東京都唔搏老命就真係唔係人 !  我哋飲完一壺又一壺, 店長好好招呼笑到見牙唔見眼.

除咗飲, 當然就係食啦.  

打頭炮超鮮味魚生拼盤, 接住係來自北海道嘅深海魚 Kinki 喜知次 [ キンキ ] ( 圖左下角橙紅色嗰條 ), 用木炭烤, 魚脂四溢, 簡直好味到唔識形容 😍😍😍

食完條 kinki 已經飽咗 9 成, 之後嘅多碟蔬菜 ( 我唔食菜嘅 ) 同另一條魚, 都只係揸流灘象徵式觀賞 😆  不過憑朋友嘅食相同表情, 得知應該係相當美味的. 

一如以往磨爛蓆, 坐到人哋打烊, 臨走整個開心大合照, 哈哈, 構圖係咪非常日本呢 ?!