逃亡記 3.0 [老年陰影]

[童年陰影] 係 0 至18 歲期間經歷虐待、忽視、家庭暴力或重大變故, 造成長期心理創傷, 我諗喺香港, 係人都會有啲.  

好人一世平安, 果然, 我有幸可以集埋 [老年陰影] 呢個郵 😆  

上回講到, office 啲人永遠閂陷晒窗簾, 而家終於有圖為證, 我冇講大話.   

呢張烏天黑地不見天日嘅相唔係晚黑開 OT 影, 而係我今朝 7:26am 影嘅 (出面完全天光㗎大佬 😒), 枱面咁乾淨唔係整潔, 而係公司炒 Q 啲人根本已經冇人坐 !  要喺咁嘅吉場做嘢, 仲對住啲劣質人咀臉, 就算心臟有幾咁強大都頂唔順, 已經劈咗炮索性唔返 office, 話之佢.  

最搞笑同事話早前有人上門追數, 每次都係烏燈黑火, end up 追數佬無計可施 send email 問 accountant 間公司係咪執咗笠 😂😂😂  

話時話, 點解我會喺星期六晨咁早 7 點幾返 office ? 因為要收番個酒櫃轉送俾人.  總之, 見過鬼怕黑, 以後 "貴賓" 系列免問.