 |
| 機場 PANDA 歡迎你 |
一年一度, 班 LB 老餅舊同事都會嚟個 reunion 旅行, 今年落腳 "天府之國" 成都.
 |
| 酒店門口 |
全靠 PM 之王同事, 打人情牌 1/3 價錢就可以入住成都太古里靚到爆高級酒店, 一連幾日行程 / 餐廳 / 包車 / 導遊 / 景點門票都完善安排, 果然係 project management 界頂尖材料 ! 💪
 |
| 夜色美女彈琴 |
同行原來有幾人係第一次去成都, < 破身之夜 > 值得紀念唔得馬馬虎虎, 必須去最 iconic "寬窄巷子" 裡面一間融合 : 美食 | 美女 | 川劇變臉 | 峨眉功夫 | 龍行茶藝元素 (好似好多範數, 好行吓 😆😆) 嘅 "小龍翻大江文化火鍋", 整個正宗成都麻辣鍋, 隆重其事打開序幕.
 |
| 兩磚牛油食落肚 |
火鍋上枱, 應該會係香港人絕對唔可以接受嘅場景 : 兩舊唔係紅蘿蔔, 而係兩大磚橙色牛油, 嘩好肥呀大佬 ~~~ 😮
東京大食後兩週喺香港自虐, 辛勞經營 168 diet, 成果隨著眼前兩磚牛油熔化迅間化為輕煙. 但與此同時, 火鍋噴出陣陣正宗四川麻辣撲鼻激香, 又真係冇人可以抗拒嘅 !
 |
| 冰山一角食物 |
同事們狂性大發叫到成枱嘢, 心諗, 咁多碟搞唔掂喎, 呢個唔食牛, 嗰個又唔食羊, 我最衰格乜 Q 都唔食.
 |
| 碟中熊貓超得意 |
我哋包房有變臉 "到會" 表演, 四川變臉好多年前睇過, 但近距離係第一次. 好神奇, 金精火眼𥄫到實, 都仲係睇唔到佢哋整咗啲乜. 不過今次亮點, 原來變臉加咗嚇人環節, 仲連環嚇親到同事兩次, 唔通係 Halloween ?
沒有留言:
發佈留言