東京結界

睇網上討論, 香港人話近年去日本, 日人對港客態度冇以前咁客氣, 有時甚至會惡劣添, 所以今次出發日本前已作好隨時被人西面嘅心理準備 😆 

記得人生第一次搭飛機, 就係去東京, 仲鬼咁好彩被 JAL upgrade 上 business, 除咗有蒲燒鰻魚飯飛機餐, 成程簡直就係目不暇給, 因為當年日航空姐真係靚到 '揼' 一聲, 舉止優雅笑容甜美, 我唔係麻甩佬都𥄫到眼攰. 

從始愛上東京, 基本年年飛幾次, 最癲嗰陣仲打算走去讀設計添 ! 日本讀書要搵監護人, 老竇話大阪有 friend 可以做我監護人叫我不如去大阪.  吓...... 大阪 ? 大阪都唔係東京 😮 No laa.

計劃擱置, 我漸漸減少飛東京, 久而久之就冇再去了.

近年多番啲, 但因為認知障礙基本上次次都喺 [東京車站] 迷路, 拖住大型行李, 從車站地下迷宮趕路中嘅人潮逆流而上, 今次仲行錯方向, 走咗一大段冤枉路, 絕對係體能挑戰 ! 

鮮肉的哥

好不容易, 找到地面出口, 的士站排頭位嘅年輕司機喺車內睄咗我一眼, 緩緩下車. 心想 : "I am ready (來吧, 西面吧 !)"  點知望真, 原來鮮肉的哥不但笑容可掬, 態度仲親切有禮, 我怪錯咗佢喇 😝

第一晚東京開個好頭, 搭得相當愉悅的一程車, 讚 👏👏 !

貌似嚴肅 . < 豪德寺 > 呢個收銀原來好玩得 😂

跟住幾日喺東京嘅飲食同購物體驗, 真係完全絕對冇被任何日本人待薄 / 西面過, 一般店員招呼除咗基本禮貌, 有幾個仲熱情又玩得, 加上而家啲 yen 平, 成件事, 比起香港真係抵玩 N 萬倍 ! 

爐端燒 . 氣氛真係超正 !

同埋, 今次東京去咗幾個一直好想去嘅地方, 成就感好高. 

成就 1 : < 豪德寺 > 招財貓

成就 2 : 淺草 < 雷門 > 大燈籠