人點解要返工?

不經不覺, 已經過咗4 個月退休生活.  好多人問, 唔返工唔悶咩?每日點過? 

首先, 由始至終, 我都唔認為 :  < 返工 = 唔悶 >.  

我覺得人生中, 有幾十萬樣比返工更interesting 又可以解悶嘅事可以做.  所以, 要用到返工嚟解悶嘅人, 人生應該冇fun.

解答問題二 :  每日起身, 都不其然有種好舒暢嘅感覺, 點解? 因為唔使做呀!!   如果唔使做都唔開心, 死得啦!

平日喺屋企都係上網, 劈吓酒, 劈爆就午睡, 跟住睇TVB 啲劇 : <蔡顎與小鳳仙>, < 都市閒情>, <洛神>, etc.    最正套 <皆大歡喜> , 由古裝睇到時裝, H5N1"漢堡包咀" 阮兆祥真係好狗, 好搞笑! 

啲人知我得閒, 有乜局都會預我, 平日有馬跑就刨馬, 冇馬跑就騎馬, 又學人學品酒, 搬新屋又幾鑊 house warming, 其實都幾忙.

可惜, 美好嘅時光, 係短暫嘅......  下禮拜一Halloween, 我要做番嘢lu, 為$囉.  仲要出trip 𠻹, 好彩去嘅係台北, 可以見吓啲成兩年冇見嘅朋友, ok啦.