信不信由你

上咗 European wine tasting 幾堂, 卒之體驗到 <掹車邊> 嘅滋味!

Open-U 入學要求係 pass 咗 Level 2 就得 (即係我).   妖!! 同班同學原來個個都一早考晒 Level 3, 有啲仲已經讀埋其他advanced level courses!

將我同佢哋擺埋一齊, 同 <五班跑一班> 有乜分別?!   一個絕對唔公平嘅學習環境!

好在啲高班次同學冇嫌棄我嘅質素, 對我好包容同友善, of course, 有我墊底嘛.

That's fine.

講番尋晚上堂, 阿Sir 好興致, 同我哋成班出去outing.   行緊去酒樓, 見到人嘅真面目......   好老土, 原來無論乜機構, 學府, 組織, 都有擦鞋仔, 一路有人傍住阿Sir, 笑騎騎, 烚熟咁嘅樣.

坐低冇耐, 啲人開始發圍, 趨捧阿Sir, 讚佢可以公私分明, 又講到明好想喺佢公司打工, 乜乜物物咁, 當然阿Sir 好受啦.

阿Sir 原來係劈得好勁好快嗰隻, 當晚好high, 不過支支都係靚酒, 難得!