太極懷舊演唱會

太極除咗係運動嘅一種, 仲係香港一隊老牌樂隊.

啲人成日話要懷舊, 要retro, 聽番黑膠碟, 其實邊懷舊吖?  聽cassette 就真正堅!   我聽太極嗰陣, 仲係用cassette帶㗎, 之後先進化到黑膠碟, CD.

耍太極可以強身健體, 聽太極可以練得一手好字, 點解? 

學生時代冇嘢做, 鬼咁得閒又純情, 除咗狂聽佢哋啲歌 (播到連我阿婆都識唱), 每日都會"僕"住電視收音機, 一有佢哋訪問就如獲至寶, 錄低播完又播, 睇完又睇.   當年黑膠唱片會附送精美歌詞, 嗰陣我得閒就手抄一篇, 寫得多啲字就變靚.

而家樂壇, 人聲配樂都係電子合成, 好鬼驚, 好想聽吓啲 raw 嘢, 知道太極紅館開show, 即刻搵當年都係fans嘅朋友一齊去, 重溫舊夢.