跑東北

 

呢期驛馬星動, 狂飛 5日, 包括兩日大東北 : 哈爾濱 + 瀋陽.

出發前都收到風, 會好凍, 不過冇諗到會凍到咁盡, 落機嗰吓, 竟然零下29C!




嗰仲感覺, 日光日白都好似喺freezer裡面咁, 但係請記住, 唔係開雪櫃嗰吓, 係要想像 "困咗喺裡面, 冇得走嗰隻" !

哈爾濱鄰近俄羅斯, 所以好多建築都好有俄羅斯風格.

一心諗住去到可以試吓哈爾濱菜, 點知原來業主個GM係香港人, 帶咗我哋去港式茶餐廳食晏!  不過佢都好嘢, 冰天雪地搵到隻燒鵝嚟食.

吃完仲有時間睇風景, 去到 <蘇菲亞教堂>, 司機問要唔要落車參觀, 哇~ 唔啦! 








當日傍晚再去瀋陽, 好啲, 有-18C, 不過因為天黑, 風又大, 感覺仲凍.

第朝起身, -28C, 但超勁, 成街人, 點解咁凍嘅地方, 可以做大城市嘅?!

嗰晚返香港, 17C, 舒服晒......原來香港真係幾好㗎.