直播私隱

呢輪困獸鬥, 三步不出閨門, 悶到 PK.  

停課 + ( 我冇份嘅 ) home office, 好多學府同公司已經採用李超人投資於微時, 而家市值急升嘅 ZM 雲端視像會議軟件上堂開會, 人人 zoom 嚟 zoom 去. 

你今日 Zoom 咗未 ?

ZM 有乜好 ? 免費又易用囉 !  除咗視像對話, 參與各人都可以同步互動打字留言, 似乎好使好用, 事實又是否如此呢 ?  我覺得還好, 但唔慣網上虛擬同電腦視像操作嘅人可能會 ' 賴 ' 嘢. 

' 賴 ' 乜 ?  平時少用嘅 [ 鏡頭 ] 同 [ 收音 ] 囉 !

尋日 ZM, 有個年長女同學放 break 小息嗰陣竟然冇 🔕 , 結果佢同 friend 嗰段長達 8 分鐘, 講是非激動八婆對話完全 on live !   同學 whatsapp 佢, 可惜佢講緊電話要到 resume 上堂先知原來對話已經直播晒出街, 呆咗兩秒先反應到, 非常尷尬地話唔知 ZM app 原來有 [ 收音 ] 同 [ 鏡頭 ] 功能.  唔係嘛, 搞咁多嘢又 download 又剩, 唔係以為自己只係聽緊收音機掛 ?  平時陰聲細氣, 一個唔為意, 真我個性被完全公開, 呢啲仲唔係 ' 賴 ' 嘢 ?!

除此之外,  ZM 收音清晰畫面流暢, 如果環境唔靚或者唔見得光, 仲可以用 virtual background, 好似我咁, key 張意大利大宅背景, 光影角度又咁啱得咁蹺真嘅一樣, 同學真係以為我喺外國呀.

除咗硬照 wallpaper, 仲可以用 video 做背景, 下次要試吓.

意大利大宅背景

真實背景